Պետական ու համայնքային հողերի վրա ինքնակամ կառուցված շինությունները հունվարի մեկից հարկվելու են

Պետական ու համայնքային հողերի վրա կառուցված ինքնակամ շինությունները` կլինի կիսակառույց թե ավարտուն, հունվարի 1-ից հարկման դաշտ են մտնում: Ֆինանսների նախարարության մշակած նախագիծն արդեն օրենքի տեսք է ստացել: Ինքնակամ շինությունները հաշվառելու ժամկետը մայրաքաղաքի դեպքում լրանում է ընդամենը մի քանի օր անց` դեկտեմբերի 31-ին, դրանից հետո արդեն Երևանում հնարավոր չի լինի օրինականացնել որևէ ինքնակամ շինություն, եթե այն հաշվառված չէ: Կադաստրի կոմիտեն հիմա գերծանրաբեռնված է աշխատում, դեկտեմբերի 26-ի դրությամբ ամբողջ հանրապետությունում հաշվառվել է 23.787 ինքնակամ շինություն  , վերջին շրջանում` օրական այդ թիվը 400-ի է հասնում, ի դեպ` հաշվառվող ինքնակամների գերակշիռ մասը հենց մայրաքաղաքում է: