Չինաստանի Չժենչժոու քաղաքում Foxconn-ի iPhone-ի խոշորագույն գործարանում բողոքի ցույցեր են սկսվել, որոնց կադրերը տարածվել են համացանցում,- հայտնում է BBC-ն։ Տեսանյութում երևում է, թե ինչպես են հարյուրավոր բանվորներ բողոքի ցույցեր անում ՝ բախվելով համազգեստներով մարդկանց և ոստիկանների հետ: Հոկտեմբերին, Covid-ի դեպքերի աճի պատճառով, գործարանը փակվեց։ Որոշ աշխատողներ փախել են այնտեղից և կարողացել են տուն վերադառնալ։ Այնուհետև արտադրողը նոր աշխատողներ հավաքագրեց։ Բողոքի ցույցերին աշխատողները պահանջում են պաշտպանել իրենց իրավունքները, բողոքում են սննդից և խոստացված բոնուսների բացակայությունից։ Foxconn-ը դեռևս չի մեկնաբանել բողոքի ակցիաները: Ընկերությունը Apple-ի գլխավոր ենթակապալառուն է։