Արտահանումը Հայաստանի Հանրապետությունից՝ ըստ երկրների. 2023թ.-ի հունվար-նոյեմբերին

ՀՀ վիճակագրական կոմիտեի հրապարակած տվյալների համաձայն 2023թ. հունվար-նոյեմբեր ամիսներին Հայաստանի արտահանման ծավալը կազմել է 6.946 մլրդ դոլար։ 2022թ. համադրելի ցուցանիշի համեմատ արտահանման ծավալներն աճել են 44.71%-ով կամ 2.146 մլրդ դոլարով։ Արտահանման ամենամեծ ծավալները շարունակում են արձանագրվել Ռուսաստանի ուղղությամբ։ Վերոնշյալ ժամանակահատվածում Հայաստանից Ռուսաստան արտահանման ծավալներն աճել են 49.94%-ով կամ 1.055 մլրդ դոլարով և կազմել 3.167 մլրդ դոլար։ Ռուսաստանին է բաժին ընկնում արտահանման ծավալի 45.6%-ը։ Երկրորդն ԱՄէ-ն է՝ 1.39 մլրդ դոլար, +189.55% կամ +908.39 մլն դոլար։ Էմիրություններին է բաժին ընկնում արտահանման ծավալի 19.98%-ը։ Եռյակը եզրափակում է Չինաստանը՝ 380.01 մլն դոլար, +15.22% կամ +50.21 մլն դոլար։ Չինաստանին բաժին է ընկնում արտահանման ծավալի 5.47%։ Չորրորդ հորիզոնականում Նիդերլանդներ է՝ 233.5 մլն դոլար, +20.90% կամ +40.37 մլն դոլար։ Նիդերլանդներին բաժին է ընկնում արտահանման ծավալների 3.36%-ը։ Իրաքը հինգերորդն է՝ 160.71 մլն դոլար, -28.6% կամ -64.89 մլն դոլար։ Իրաքին բաժին է ընկնում արտահանման ծավալների 2.31%-ը։ Վեցերորդ տեղում Վրաստանն է՝ 129.19 մլն դոլար, -11.26% կամ -16.39 մլն դոլար։ Վրաստանին բաժին է ընկնում արտահանման ծավալների 1.86%-ը։ Յոթերորդը Բուլղարիան է՝ 96.21 մլն դոլար, -53.47% կամ -110.5 մլն դոլար։ Բուլղարիային բաժին է ընկնում արտահանման ծավալների 1.39%-ը։ Ութերորդ հորիզոնականում Բելգիան է՝ 90.587 մլն դոլար, +18.16% կամ +13.92 մլն դոլար։  Բելգիային բաժին է ընկնում արտահանման ծավալների 1.30%-ը։ Իններորդը Իրանն է՝ 87.85 մլն դոլար, -14.19% կամ -14.526 մլն դոլար։ Իրանին բաժին է ընկնում արտահանման ծավալների 1.26%-ը։ Տասնյակը եզրափակում է Բելառուսը՝ 86 մլն դոլար, +28.14% կամ +18.88 մլն դոլար։ Բելառուսին բաժին է ընկնում արտահանման ծավալների 1.24%-ը։ Ինչ կայանում է վերպետական կազմավորումներին, ապա վերոնշյալ ժամանակահատվածում ԱՊՀ երկրներից արտահանման ծավալներն աճել են 51.21%-ով կամ 1.147 մլրդ դոլարով և կազմել 3.386 մլրդ դոլար, մասնավորապես, ԵԱՏՄ երկրներ արտահանումն աճել է 51.95%-ով կամ 1.143 մլրդ դոլարով և կազմել 3.344 մլրդ դոլար։ ԱՊՀ երկրներին բաժին է ընկնում արտահանման ծավալների 48.75%, իսկ ԵԱՏՄ երկրներին՝ 48.15%։ Եվրամիության ուղղությամբ արտահանման ծավալները նվազել են 5.47%-ով կամ 39.24 մլն դոլարով և կազմել 677.94 մլն դոլար։ Եվրամիությանը բաժին է ընկնում արտահանման ծավալների 9.76%-ը։