Երկու հաշիվ մեկ սարքի վրա. Watsapp-ի նոր գործառույթը

WhatsApp մեսենջերն ավելացրել է մի գործառույթ, որը թույլ է տալիս օգտատերերին երկու հաշիվ ունենալ մեկ սարքում։ Այս թարմացման մասին ընկերությունը հայտնել է իր բլոգում։ «Այժմ դուք կարող եք միաժամանակ օգտագործել երկու WhatsApp հաշիվներ, օրինակ՝ անձնական և աշխատանքային: Սա նշանակում է, որ դուք այլևս ստիպված չեք լինի դուրս գալ ամեն անգամ, երբ փոխում եք ձեր հաշիվը»,- ասվում է WhatsApp-ի բլոգում: Երկրորդ հաշիվ ստեղծելու համար դուք պետք է ստանաք լրացուցիչ հեռախոսահամար և SIM քարտ: WhatsApp-ը նշել է, որ գաղտնիության և ծանուցման կարգավորումները կարող են անհատականորեն կազմաձևվել յուրաքանչյուր հաշվի համար: WhatsApp-ը պարբերաբար հաղորդում է մեսենջերի թարմացումները: