Tesla-ն Model 3-ը և Model Y-ն արտադրում է 40 վայրկյանից քիչ ժամանակում. տեսանյութ

Շանհայի Tesla Gigafactory-ն արտադրում է նոր Tesla Model 3 կամ Model Y մեքենաներ ապշեցուցիչ արագությամբ, ասվում է գործարանում տեսագրված նոր տեսանյութում,- գրում է how2b.am-ը: Լրագրողը համապատասխան հարց է տալիս հավաքման գործընթացը վերահսկող աշխատակիցներից մեկին, վերջինս էլ պատասխանում է, որ արտահոսած տեղեկատվությունը, թե Tesla մեքենաները հավաքվում են 45 վայրկյանում, այլևս չի համապատասխանում իրականությանը, և Tesla-ն արդեն նոր մեքենաներ է թողարկում 40 վայրկյանից քիչ ժամանակում: Արտադրության այս ցուցանիշը նույնիսկ գերազանցում է Ford-ին, որը 2023 թվականի հունվարին հայրարարել էր, որ Միչիգան ​​նահանգի Դիրբորն քաղաքում գտնվող իր պիկապ բեռնատարների գործարանը կարող է F-150 արտադրել յուրաքանչյուր 49 վայրկյանը մեկ: Tesla-ի՝ Շանհայում գտնվող հսկա գործարանում տասնյակ ռոբոտներ համատեղ աշխատում են արտադրության արդյունավետությունը բարելավելու համար: Տեսանյութում երևում է, թե ինչպես են ռոբոտները կարողանում մեքենաները միաժամանակ հավաքել տարբեր հարթություններում։     https://twitter.com/ShLetsMeet/status/1683665320605806592?ref_src=twsrc%5Etfw%7Ctwcamp%5Etweetembed%7Ctwterm%5E1683665320605806592%7Ctwgr%5Eac73c51fe12b7aa9b80a123023f66392f731df25%7Ctwcon%5Es1_&ref_url=https%3A%2F%2Fhow2b.am%2Ftesla-artadrum-e-model-ev-model-y-40-vrk%2F