Արգենտինան և Բրազիլիան պայմանագրեր են ստորագրել տնտեսական ինտեգրման վերաբերյալ Բուենոս Այրեսում կայացած հանդիպման ժամանակ Արգենտինայի և Բրազիլիայի նախագահները պայմանագրեր են ստորագրել տնտեսական և ֆինանսական ինտեգրման վերաբերյալ,- հայտնում է ՓՐԱՅՄ-ը։«Վստահ եմ, որ այս համաձայնագրերի ստորագրմամբ կսկսվի ռազմավարական հարաբերությունների նոր փուլ գալիք տասնամյակների ընթացքում», - փաստաթղթերի ստորագրումից հետո ասել է Արգենտինայի նախագահ Ալբերտո Ֆերնանդեսը։ Բրազիլիայից նրա գործընկեր Լուիս Ինասիո դա Սիլվան հավելել է, որ միասնական տարածաշրջանային արժույթ ստեղծելու ծրագրերի քննարկումն ուղղված է դոլարից երկրների կախվածության նվազեցմանը, ինչպես նաև առևտրի դյուրացմանը։ «Ինչո՞ւ չփորձել միասնական արժույթ ստեղծել ՄԵՐԿՈՍՈՒՐ երկրների միջև։ Կարծում եմ ՝ ժամանակի ընթացքում դա տեղի կունենա։ Դա պետք է տեղի ունենա, քանի որ որոշ երկրներ դժվարանում են դոլար ձեռք բերել»,- ասաց նա: Հունվարի 22-ին Լուիս Ինասիո դա Սիլվան ժամանել է Արգենտինա իր առաջին արտասահմանյան շրջագայության շրջանակներում։ Նա մի քանի երկկողմ հանդիպումներ է ունեցել հյուրընկալող երկրի հետ, ինչպես նաև կմասնակցի Լատինական Ամերիկայի և Կարիբյան ավազանի պետությունների համայնքի ղեկավարների ՝ Չելաչի գագաթնաժողովին։