Ամերիկյան և ասիական արժեթղթերը տարեսկզբից աճ են գրանցում Ամերիկյան և ասիական ֆոնդային ինդեքսներն աճ են ցույց տալիս 2023 թվականի առաջին շաբաթվա ընթացքում,- գրում է financeexpress-ը։ Ուրբաթ օրվա փակման դրությամբ Dow Industrial Average-ն աճել է 1,43%-ով, մինչդեռ S&P 500-ը և Nasdaq Composite-ը տարեկան կտրվածքով աճել են համապատասխանաբար մոտ 1,45%-ով և 0,98%-ով:Ներդրողների տրամադրվածությունը խթանվեց անցյալ շաբաթ ԱՄՆ-ում աշխատավարձերի աճի տեմպերի դանդաղման նոր տվյալներով (աշխատավարձերը դեկտեմբերին աճել են 4,6%-ով ՝ 4,8% աճի կանխատեսման դիմաց): Բացի այդ, անցյալ շաբաթ հրապարակված ԱՄՆ Աշխատանքի նախարարության ամսական զեկույցը ցույց է տվել, որ դեկտեմբերին երկրում ավելացել է 223,000 աշխատատեղ, ինչը ամենացածրն է վերջին երկու տարվա ընթացքում: Այս ամենը լրացուցիչ գործոն է գնաճի հնարավոր առաջիկա նվազման և Fed-ի քաղաքականության թուլացման համար։ Իր հերթին, 2023 թվականի երկրորդ առևտրային շաբաթվա առաջին օրը Ասիայի առաջատար ֆոնդային ինդեքսները նույնպես առևտուր են անում դրական դինամիկայով։ Hang Seng ինդեքսն աճել է 1,98%-ով ավելի, քան նախորդ օ րվա փակումը, Shanghai Composite ինդեքսը՝ 0,72%-ով։ MSCI Asia Pacific ինդեքսը երկուշաբթի աճել է 0,74%-ով ՝ ավելի քան կրկնապատկելով իր աճը: