ABNews
ՊԵԿ-ում մեկնարկում է մաքսային ձևակերպումների մասնագետի վերապատրաստման դասընթաց
Լուրեր | 2024/11/04 04:50
Պետական եկամուտների կոմիտեն տեղեկացնում է, որ 2024 թվականի նոյեմբերի 18-ից ՀՀ ՊԵԿ ուսումնական կենտրոնում կմեկնարկի մաքսային ձևակերպումների մասնագետի վերապատրաստման հերթական 8-օրյա դասընթացը, որի արդյունքներով մասնակիցների թեստավորումը տեղի կունենա դեկտեմբերի 6-ին։
Դասընթացը նախատեսված է մաքսային ձևակերպումների մասնագետի գործող որակավորում ունեցող անձանց համար։ Այս համատեքստում ՊԵԿ-ը հիշեցնում է, որ «Մաքսային կարգավորման մասին» ՀՀ օրենքի 258-րդ հոդվածի 4-րդ մասի համաձայն՝ մաքսային ձևակերպումների մասնագետի որակավորման վկայական ստացած անձը կորցնում է այդ որակավորումը, եթե վկայականն ստանալու տարվան հաջորդող յուրաքանչյուր տարվա ընթացքում չի հավաքում որակավորումը պահպանելու համար անհրաժեշտ քանակի միավորներ:
Նշված անձանց որակավորումը պահպանելու համար անհրաժեշտ տարեկան միավորների հաշվարկը նախատեսվում է իրականացնել 2024 թվականի հաշվետու տարվա համար՝ մինչև 2025 թվականի հունվարի 30-ը:
Վերապատրաստման դասընթացների և դրանց ամփոփիչ քննությունների անցկացման կարգը և հաճախականությունը, անհրաժեշտ տարեկան միավորների քանակը, ինչպես նաև հաշվառման կարգը սահմանված են ՀՀ ՊԵԿ նախագահի 2023 թ․ հունիսի 9-ի թիվ 579-Ն հրամանով:
Միաժամանակ, կոմիտեն տեղեկացնում է, որ անհրաժեշտ քանակի միավորները կարելի է հավաքել նաև մաքսային մարմնի կազմակերպած վերապատրաստման դասընթացներին մասնակցելու և դրանց ամփոփիչ քննությունները հանձնելու միջոցով:
Մաքսային ձևակերպումների մասնագետի վերապատրաստման առաջիկա դասընթացին և դրա ամփոփիչ քննությանը մասնակցելու պայմաններին կարող եք ծանոթանալ ՀՀ ՊԵԿ ուսումնական կենտրոնի պաշտոնական կայքէջում։
ՊԵԿ տեղեկատվության և հասարակայնության հետ կապերի բաժին
Տարածել
Կարդացեք նաեւ
Լուրեր | 2026/05/26 15:18
Ինչպե՞ս է Հայաստանը բարելավելու օդի որակը. մեկնարկում է հնգամյա ծրագիրը
Հայաստանի Հանրապետությունում մթնոլորտային օդի պահպանության ոլորտում իրականացվում են համակարգային բարեփոխումներ՝ միջազգային չափանիշներին համապատասխան կառավարման համակարգ ձևավորելու նպատակով։ Այս մասին հայտարարել է ՀՀ շրջակա միջավայրի նախարար Համբարձում Մաթևոսյանը։Նախարարի փոխանցմամբ՝ մշակվել է մթնոլորտային օդի պահպանության հնգամյա ծրագիր, որը սահմանում է գործողությունների հաջորդականությունը և պատաս...
Լուրեր | 2026/05/26 15:10
ԵՄ կլիմայական նոր կանոնները եվրոպական ավիացիոն հսկաների ծախսերը կավելացնեն առնվազն 1,5 միլիարդ եվրոյով
Եվրոպական միության կլիմայական նոր կանոնների պատճառով տարածաշրջանի առաջատար ավիաընկերություններից յուրաքանչյուրի լրացուցիչ ֆինանսական ծախսերը կաճեն առնվազն 1,5 միլիարդ եվրոյով։ Այս մասին հայտնում է Financial Times պարբերականը՝ հղում անելով ոլորտի փորձագետների կանխատեսումներին։Թերթի տվյալներով՝ Բրյուսելը ներկայումս դիտարկում է իր արտանետումների առևտրի համակարգը (ETS) համայնքի տարածքից մեկնող բոլոր չ...
Լուրեր | 2026/05/26 15:06
Բրիտանական ընկերությունների 80%-ը կրում է Մերձավոր Արևելքի հակամարտության բացասական հետևանքները․ The Times
Միացյալ Թագավորության ընկերությունների մեծ մասն արդեն զգում է Իրանում ընթացող հակամարտության բացասական ազդեցությունը կամ ակնկալում է դա կարճաժամկետ հեռանկարում։ Այս մասին հայտնում է բրիտանական The Times պարբերականը՝ հղում անելով Բրիտանական առևտրային պալատների ասոցիացիայի զեկույցին։Ասոցիացիայի անցկացրած հարցմանը մասնակցած 800 ընկերությունների 80%-ի ղեկավարությունը նշել է հակամարտության բացասական ան...
Լուրեր | 2026/05/26 14:50
Աղբաորսիչ սարքերի միջոցով մեկ տարվա ընթացքում Հրազդան գետից դուրս է բերվել 75 խմ աղբ (տեսանյութ)
Հրազդան գետի և դրա վրա կառուցված Երևանյան լճի աղտոտումը կանխելու նպատակով Երևանի քաղաքապետարանի կողմից դեռևս նախորդ տարի տեղադրվել էր երկու աղբաորսիչ ցանց:Քաղաքապետարանից հայտնում են, որ դրանք տեղակայված են Արաբկիր և Շենգավիթ վարչական շրջանների` գետի հունային հատվածներում: Ծրագրի արժեքը կազմում է 120 մլն ՀՀ դրամ: