Հայաստանի տնտեսական ակտիվությունը թվերով. ԵԱԶԲ

Արդյունաբերության ներդրումը տնտեսական ակտիվության աճում կազմել է շուրջ 5,5 տոկոսային կետ ոսկյա զարդերի արտադրության և արտահանման ընդլայնման հաշվին, նշվում է Եվրասիական զարգացման բանկի (ԵԱԶԲ) վերլուծաբանների շաբաթվա մակրովերլուծության մեջ։  «Հայաստանում տնտեսական ակտիվությունն ավելացել է 13,6%–ով 2024թ․–ի հունվար–փետրվարին։ Աճն ապահովվել է արդյունաբերության (+28,9%), առևտրի (+24,1%) և ծառայությունների (+5,2%) հատվածներով», – նշվում է հաշվետվության մեջ։ Նշվում է նաև, որ հունվար–փետրվարին ապրանքների արտահանումը տարեկան կտրվածքով աճել է 2,6 անգամ, ներկրումը՝ 73%–ով հիմնականում արտաքին առևտրի աճի և ոսկյա զարդերի մշակման պատճառով։ Հայաստանի վիճակագրական կոմիտեի տվյալներով, Հայաստանում արդյունաբերական ապրանքների արտադրանքի ծավալն ընթացիկ տարվա առաջին երկու ամսում կազմել է 461,6մլրդ դրամ։ Շինարարության ծավալը՝ 41,5մլրդ դրամ, իսկ ծառայությունների ոլորտը (առանց առևտրի)՝ 473,1մլրդ դրամ։ Արտահանումը հաշվետու ժամանակահատվածում հասել է 2,5մլրդ դոլարի, ներկրումը՝ 2,8մլրդ դոլարի ($1 - 393.28 դրամ)։