Պետությունը գործատուին կտրամադրի միանվագ ֆինանսական աջակցություն

Պետությունը գործատուին կտրամադրի միանվագ ֆինանսական աջակցություն, եթե նա աշխատանքի ընդունի Միասնական սոցիալական ծառայության տարածքային կենտրոններում հաշվառված այն գործազուրկին, որի տարիքը 35-ից բարձր է, ու կենտրոնում գրանցված է առնվազն երեք ամիս: Կամ էլ նպաստառու է անկախ տարիքից ու գրանցված լինելու ժամկետից: Առաջին խմբի քաղաքացիների դեպքում աջակցությունը կլինի 250 հազար դրամ: Նպաստառու գործազուրկի դեպքում `  350 հազար: Սկզբնական փուլում նախատեսվում է ծրագիրն իրականացնել 200 գործազուրկի համար: Կախված պահանջարկից, ֆինանսական հնարավորություններից և արդյունավետությունից կքննարկվի ընդլայնելու հարցը: Այժմ սոցիալական կենտրոններում հաշվառված է մոտ 50 հազար գործազուրկ, որից 35 հազարը 35 և ավելի տարիքի են: