Լուրեր ներդրողների համար. Limitless Asset Management Լեգենդար ներդրող Ուորեն Բաֆեթը և Ուոլ Սթրիթի այլ շատ թրեյդերներ 2023թ․-ին ակտիվ գնում էին տեխնոլոգիական ընկերությունների բաժնետոմսեր TSMC (Taiwan Semiconductor Manufacturing Company) Apple Activision Blizzard HP( Hewlett-Packard) AMAZON COM INC AMERICAN EXPRESS CO Ինչպես տեսնում ենք ամենահայտնի ներդրողը և նրա ընկերությունը՝ հարյուրավոր միլիարդ դոլարի հասնող ներդրումային պորտֆելով, նախընտրում են տեխնոլոգիական, ժամանցային և ֆինանսական ընկերություններ։ Այս ընկերությունները ունեն ընդհանրություն․ նրանք բոլորը պատմականորեն եկամտաբերa, ժամանակի ընթացքում փորձարկված ընկերություններ են՝ պրոֆեսիոնալ կառավարման թիմերով և հայտնի ապրանքանիշերով։ May be an image of 1 person and text HSBC Holdings Plc-ն հայտնել է, որ չորրորդ եռամսյակի շահույթը նվազել է 80%-ով՝ չինական բանկում ունեցած միջոցներից կատարված գանձումներից հետո: Շահույթը մինչև հարկումը կազմել է 1 միլիարդ դոլար՝ նախորդող տարվա նույն ժամանակահատվածի 5,05 միլիարդ դոլարի դիմաց: Մինչ Էյչ-Էս-Բի-Սի-ն ամբողջ տարվա ընթացքում ռեկորդային եկամուտներ է ստացել համաշխարհային տոկոսադրույքների աճի շնորհիվ, Չինաստանում, որը բանկի հիմնական աճի շուկան է, առկա են մարտահրավերներ: Անշարժ գույքի շարունակական փլուզումը ոչ միայն վնաս է հասցրել աշխարհի մեծությամբ երկրորդ տնտեսությանը, այլև ստիպել է Էյչ-Էս-Բի-Սի-ին գումար հատկացնել հնարավոր կորուստները ծածկելու համար: Ի պատասխան բարդ մակրո միջավայրի HSBC-ն հայտարարեց 2 միլիարդ դոլարի բաժնետոմսերի հետգնման և չորրորդ եռամսյակի միջանկյալ շահաբաժինների մասին՝ 31 ցենտ մեկ բաժնետոմսի դիմաց: Այնուամենայնիվ, շուկան բացասաբար արձագանքեց․ HSBC-ի բաժնետոմսերը Լոնդոնում չորեքշաբթի ունեցան 7,5% անկում, ինչը 2022 թվականի հոկտեմբերից ի վեր ամենամեծ անկումն է մեկ առևտրային օրվա ընթացքում։ May be an image of text Capital One Financial-ը (COF) հայտարարեց Discover Financial Services (DFS) 35,3 միլիարդ դոլարով ձեռք բերելու մասին՝ առաջարկելով 27% պրեմիում Discover-ի ուրբաթ օրվա փակման գնի նկատմամբ։ Capital One-ը կվճարի 1,0192 բաժնետոմս՝ DFS-ի յուրաքանչյուր բաժնետոմսի համար: Չնայած Discover-ի վերջին մարտահրավերներին, ներառյալ նրա գործադիր տնօրենի հեռանալը, գործարքը ռազմավարական նշանակություն ունի ՝ հիմնականում պայմանավորված Discover-ի սեփական վճարային համակարգ ունենալու փաստով։ Մինչև 2027 թվականը կանխատեսելով 1,5 միլիարդ դոլարի ծախսերի սիներգիա՝ Capital One-ը նպատակ ունի օգտագործել Discover-ի ուժեղ կողմերը սեփական պորտֆելում: Discover-ի բաժնետոմսերն աճեցին գրեթե 14%-ով՝ ազդարարելով շուկայի դրական արձագանքը, մինչդեռ Capital One-ը ունեցավ 4% առևտրի անկում։ May be an image of text SoftBank Group Corp.-ի բաժնետոմսերի արժեքը բարձրացել է, երբ հիմնադիր Մասայոշի Սոն հայտնել է 100 միլիարդ դոլար արժողությամբ չիպերի վենչուր ստեղծելու իր մտադրության  մասին, որը կմատակարարի արհեստական բանականության մեջ օգտագործվող կիսահաղորդիչներ: Izanagi ծածկագիրը կրող այս նախագիծը նպատակաուղղված է ստեղծելու AI չիպերի ձեռնարկություն, որը կլրացնի Arm Holdings Plc-ին՝ չիպեր նախագծող ընկերությանը, որտեղ SoftBank-ը տիրապետում է բաժնետոմսերի մեծամասնությանը։ Արհեստական բանականության հարցում Սոնի լավատեսությունը համընկնում է SoftBank-ի վերջին հաջողությունների հետ,որի բաժնետոմսերը վերջին 10 առևտրային օրվա ընթացքում աճել են մոտ 30% -ով, ընդ որում Arm-ի բաժնետոմսերի աճը կազմել է ավելի քան 80%: May be an image of 1 person and text Limitlessam.com [email protected] +374 11 888 118 Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ: Կազմակերպությունը վերահսկվում է ՀՀ Կենտրոնական Բանկի կողմից