Շուտով Twitter-ը կունենա աուդիո զանգերի և տեսազանգերի գործառույթ Շուտով Twitter սոցիալական ցանցը կունենա աուդիո զանգերի  և տեսազանգերի գործառույթը։ Այս լուրով իր ակաունտում կիսվել է ձեռնարկատեր, սոցցանցի սեփականատեր Իլոն Մասկը։ Մասկը խոստացել է, որ ձայնային և տեսազրույցները հասանելի կլինեն բոլորին, ովքեր գրանցված են հարթակում։ «Դուք կարող եք մարդկանց հետ շփվել աշխարհի ցանկացած կետում՝ առանց նրանց ձեր հեռախոսահամարը տալու», — ասել է գործարարը։ Սոցցանցի սեփականատերը հայտնել է նաեւ, որ մայիսի 10-ին արդեն իսկ կավելացվի անձնական հաղորդագրությունների ամբողջական կոդավորումը։