Միացյալ Նահանգները «Կասպերսկու լաբորատորիա»-ն ավելացրել է ազգային անվտանգությանը հնարավոր սպառնալիքների ցանկում ԱՄՆ կապի դաշնային հանձնաժողովը (FFC) «Կասպերսկու լաբորատորիան» ներառել է հեռահաղորդակցության սարքավորումների և ծառայությունների մատակարարների ցանկում, որոնք կարող են վտանգ ներկայացնել ԱՄՆ ազգային անվտանգությանը։Այս մասին է  վկայում գործակալության կայքում հրապարակված մամուլի հաղորդագրությունից։ Արձագանքելով սրան լաբորատորիայից նշել են, որ հիասթափված են  ԱՄՆ-ի որոշումից և կարծում են, որ այն քաղաքական դրդապատճառներ ունի: Ընկերությունը նաև խոսել է ԱՄՆ պետական ​​կառույցների հետ համագործակցելու և ԱՄՆ կարգավորող մարմինների ցանկացած հարցի պատասխանելու պատրաստակամության մասին։ Նշենք, որ «Կասպերսկու լաբորատորիան»  ռուսական տեխնոլոգիական ընկերություն է, որը մասնագիտացած է վիրուսներից, սպամից, հաքերային հարձակումներից և տեղեկատվական անվտանգության այլ սպառնալիքներից պաշտպանվելու համակարգերի մշակման մեջ:   Կենտրոնական գրասենյակը գտնվում է Մոսկվայում։2020 թվականի դեկտեմբերին ընկերության հիմնադիր Եվգենի Կասպերսկին բացառեց ընկերության տեղափոխումը Ռուսաստանից, շեշտելով, որ Մոսկվայում բիզնեսով զբաղվելը հարմար է։Եվգենի Կասպերսկին ընդգրկվել է Ռուսաստանի 200 ամենահարուստ գործարարների ցամկում՝ ըստ Forbes-2021-ի վարկանշային աղյուսակի։Աղյուսակը կազմելիս նրա կարողությունը գնահատվել է 1,2 միլիարդ դոլար։