Ռուսական նավթի արտահանումը Հյուսիսային Եվրոպա նվազել է 90%-ով. Bloomberg Ռուսական նավթի մատակարարումները Հյուսիսային Եվրոպա ներքին հումքի դեմ պատժամիջոցների ուժի մեջ մտնելուց երկու շաբաթ առաջ փետրվարի սկզբի համեմատ նվազել են ավելի քան 90%-ով ՝ օրական 1,2 մլն բարելից մինչև օրական 95 հազար բարել,- գրում է Bloomberg-ը։ Հրատարակությունը գրում է, որ հոլանդական Ռոտերդամը միակ եվրոպական ուղղությունն է Միջերկրական և Սև ծովի ավազաններից դուրս ռուսական նավթի ծովային փոխադրումների համար։Լիտվան, Ֆրանսիան, Լեհաստանը և Գերմանիան մի քանի ամիս առաջ հրաժարվել էին համագործակցել Մոսկվայի հետ հումքի ներկրման հարցում։ Բալթյան նավահանգիստներ բեռնված նավթի երեք քառորդն այժմ ուղարկվում է Ասիա։ Հնդկաստանի նավթավերամշակման գործարանները զգուշանում են ռուսական նավթ գնելուց ՝ կապված հումքի ծովային փոխադրումների արգելքի Եվրամիության (ԵՄ) պատժամիջոցների հետ: Գործակալությունը հաշվարկել է, որ Ռուսաստանից հումքի ընդհանուր մատակարարումները նոյեմբերի 18-ին ընկած յոթ օրվա ընթացքում նվազել են մինչև 2,57 միլիոն բարել օրական, ինչը ինն շաբաթվա նվազագույնն է: Անցյալ շաբաթ Bloomberg-ը հայտնել էր, որ G7 երկրները (Մեծ Բրիտանիա, Գերմանիա, Իտալիա, Կանադա, Ֆրանսիա, Ճապոնիա և ԱՄՆ) մտադիր են նոյեմբերի 23-ին հայտարարել ռուսական նավթի գնի սահմանաչափի ներդրման մակարդակի մասին։