Ռուսաստանի տնտեսությունը կսկսի աճել միայն 2023 թվականի երրորդ եռամսյակում. Bloomberg Economics

Ռուսաստանի տնտեսությունը կսկսի աճել միայն 2023 թվականի երրորդ եռամսյակում (հուլիս-հոկտեմբեր), մինչ այդ ցուցանիշները կնվազեն։ Այս մասին գրել է Bloomberg-ը, որը հարցում է անցկացրել վերլուծաբանների շրջանում։ Bloomberg Economics-ի տնտեսագետները կանխատեսել են, որ 2022 թվականին երկրի ՀՆԱ-ի անկումը կլինի 3,5 տոկոսի մակարդակում, 2023 թվականին ՝ 2 տոկոս։ Նրանց կանխատեսումների համաձայն ՝ այս անկումը կարող է դառնալ ամենախորը 2008 թվականի ճգնաժամից ի վեր։ Գործակալության վերլուծաբան Ալեքսանդր Իսակովի կարծիքով ՝ երկրի տնտեսությունը չի սկսի աճել մինչև 2023 թվականի երկրորդ կեսը, քանի որ սահմանափակող միջոցառումների պատճառով էներգետիկ ոլորտն ու արտադրությունը կշարունակեն նվազել։ Ռեցեսիայի շարունակման վրա կազդի նաև պահանջարկի խթանման միջոցառումների աստիճանական կրճատումը, օրինակ ՝ արտոնյալ հիփոթեքային վարկերի վերացումը։Ամերիկյան Morgan Stanley բանկի վերլուծաբանները կարծում են, որ ռեցեսիան Ռուսաստանում կձգձգվի, այդ թվում ՝ ցածր տեխնոլոգիական տնտեսության հարկադիր կառուցվածքային վերափոխման պատճառով։