Հայաստանի միջազգային համախառն պահուստները շարունակում են հեռանալ պատմական առավելագույնից

Հայաստանի համախառն միջազգային պահուստները (ՀՄՊ) շարունակում են հեռանալ 2023թ. օգոստոսին 4.219 մլրդ դոլարի մակարդակում արձանագրված պատմական առավելագույնից։ Այսպես, ՀՄՊ-ը, 2023թ. նոյեմբերին կրճատվելով 4,7% - ով կամ 177,4 մլն դոլարով (2022թ. նոյեմբերի 3,2% անկման դիմաց), կազմել է 3,635 մլրդ դոլար։ Դրան զուգահեռ խիստ դանդաղել է նաև տարեկան աճը՝ 16,2%-ից մինչեւ 3,3% (կամ 177,4 մլն դոլարով՝ 2022թ. նոյեմբերի համեմատ): Վատթարացել է նաև 2023թ.11 ամիսների ՀՄՊ դինամիկան՝ շրջադարձ կատարելով դեպի 11,6% անկում ՝ 2022թ. 11 ամիսների 8,9% աճից կամ, բացարձակ արտահայտությամբ, կրճատվելով 476.3 մլն դոլարով։ Այդ մասին են վկայում ՀՀ կենտրոնական բանկի տվյալները։ Մասնավորապես, 2023թ. նոյեմբերին ՀՄՊ-ի կրճատումը պայմանավորված էր ԱՓԱ-ով արտաքին ակտիվների 3,5% անկմամբ՝ մինչև 3,628 մլրդ դոլար, ԱՄՀ-ում SDR-ի մասնաբաժնի 86%, մինչև 7,2 մլն դոլար անկման պայմաններում, մինչդեռ, մեկ տարի առաջ դիտվում էր առաջինների 3,3% անկում ՝ երկրորդների 22% աճի դեպքում։ Հարկ է նշել, որ ԱՓԱ-ով արտաքին ակտիվները նույնպես նվազել են պատմական առավելագույնից (2023թ. օգոստոսին՝ 4.216 մլրդ դոլար), իսկ ԱՄՀ-ում SDR-ի մասնաբաժինը չափազանց հեռու է 2021թ. օգոստոսի 178.2 մլն դոլարի ռեկորդային մակարդակից։ 2023թ. հունվար-նոյեմբեր ամիսներին ՀՄՊ դինամիկային համանման վատթարացել է ԱՓԱ-ով արտաքին ակտիվների թրենդը՝ շրջադարձ կատարելով դեպի 11,7% անկում ՝ 2022թ.11 ամիսների 9,3% աճից, իսկ ԱՄՀ-ում SDR-ի մասնաբաժինը, ընդհակառակը, աճել է 17,2% - ով՝ հաղթահարելով նախորդ տարվա 29,4% անկումը։ Տարեկան կտրվածքով (2023թ. նոյեմբերին՝ 2022թ. նոյեմբերի նկատմամբ) ԱՓԱ-ով արտաքին ակտիվների վերընթաց դինամիկան պահպանվել է, սակայն տեմպերը դանդաղել են՝ 17,8% - ից մինչեւ 3,8%, ինչին զուգահեռ ԱՄՀ-ում SDR-ի մասնաբաժնի անկումն արագացել է՝ 61,3%-ից մինչեւ 69%։