Աշխարհի 3 խոշոր ֆինանսական հաստատությունները սկսել են ֆինանսական գործիքների թոկենիզացման աշխատանքները

Արժույթի միջազգային հիմնադրամը, Համաշխարհային բանկը և Միջազգային հաշվարկների բանկը սկսել են աշխատել ֆինանսական գործիքների թոքենիզացիայի ուղղությամբ: Գործընթացին մասնակցում է նաև Շվեյցարիայի կենտրոնական բանկը, որը հայտնի է թոքենիզացիայի ոլորտում իր ծավալուն աշխատանքով,- գրում է fintech.am-ը: Աշխարհի երեք խոշոր ֆինանսական հաստատություններն առաջին անգամ միավորել են ուժերը՝ ուսումնասիրելու թոքենիզացիան, մի գործընթաց, որը նախատեսում է ավանդական ակտիվների վերափոխումը եզակի կոդավորված թոքենների, որոնք կարող են օգտագործվել ավելի արդյունավետ համակարգերում: Ծրագրի առաջին փուլում շեշտը դրվելու է փաստաթղթաշրջանառության պարզեցման վրա, հատկապես Համաշխարհային բանկի միջոցներին հարուստ երկրների ներդրումների համատեքստում, որոնք աջակցում են ավելի քիչ զարգացած երկրներին: Հատուկ ուշադրություն է դարձվել կենտրոնական բանկի թվային արժույթների (CBDC) թեմային: Միջազգային հաշվարկների բանկի ներկայացուցիչներն ընդգծել են գլոբալ կանոնների և տեխնոլոգիական ստանդարտների մշակման անհրաժեշտությունը, որոնք թույլ կտան այս արժույթներին անխափան կերպով ինտեգրվել միջազգայնորեն և ապահովել դրանց համատեղելիությունը գոյություն ունեցող վճարային համակարգերի հետ: