2022 թվականին Հայաստանը մի քանի անգամ ավելացրել է ոսկու և ադամանդի արտահանումը

2022 թվականին Հայաստանը 2,3 անգամ ավելացրել է ոսկու արտահանումը՝ ծավալները հասցնելով մինչեւ 8 871 կգ՝ մաքսային արժեքի 3 անգամ աճով ՝ մինչև 414.2 մլն դոլար։ Այդ մասին են վկայում ՀՀ մաքսային ծառայության տվյալները։ Արտահանման հիմնական ծավալը բաժին է ընկել ԱՄԷ-ի շուկային (54,6%) եւ Հնդկաստանին (33,2%), իսկ մնացածը բաշխվել է Թուրքիայի (11,5%), Իտալիայի, Ռուսաստանի և Ղրղզստանի միջև: Իսկ հաշվետու ժամանակահատվածում ներմուծված ոսկու ծավալը կազմել է 4 918,1 կգ, տարեկան աճը' 3,1 անգամ՝ մաքսային արժեքի 2,6 անգամ ավելացման դեպքում' մինչև 234,7 մլն դոլար: Որպես Հայաստան ոսկու հիմնական ներկրողներ հանդես են գալիս Ռուսաստանը (91,1%), որին մեծ տարբերությամբ հետեւում են ԱՄԷ-ն (6,3%) և ԱՄՆ-ը (2,5%), իսկ ավելի չնչին ծավալներ են մատակարարվել Շվեյցարիայից, Թաիլանդից, Նիդերլանդներից, Ֆրանսիայից, Ճապոնիայից և Գերմանիայից: Հիշեցնենք, որ 2021 թվականին Հայաստանն արտահանել է 3 776,3 կգ ոսկի (ներառյալ գալվանական փոշիացումը), ինչը մեկ տարվա վաղեմության ցուցանիշից ցածր է 33,4% - ով։ Ընդ որում, արտահանված ոսկու մաքսային արժեքը նվազել է 47,7% - ով' մինչև 133,8 մլն դոլար: Իսկ ներկրված ոսկու ծավալը կազմել է 1 560,3 կգ' տարեկան 3,4 անգամ աճով, մաքսային արժեքի 3,7 անգամ' մինչև 90 մլն դոլար աճի դեպքում:   2022 թվականին Հայաստանը 4,1 անգամ ավելացրել է ադամանդների արտահանումը՝ մինչեւ 2 366,5 հազար կարատ։ Համապատասխանաբար՝  4 անգամ աճել է նաև մաքսային արժեքը՝ մինչեւ 417.7 մլն դոլար։ Այդ մասին են վկայում ՀՀ մաքսային ծառայության տվյալները։ Հայաստանն ադամանդներ է արտահանում հիմնականում ԱՄԷ (76,7%) և Ռուսաստան (19,2%), ավելի քիչ  մատակարարվում է Բելգիա (2%) և Բելառուս (0,7%): Բոլորովին չնչին ծավալներ են բաշխվել ԱՄՆ-ի, Իսրայելի, Հոնկոնգի, Կանադայի, Թաիլանդի, Վրաստանի, Գերմանիայի և Չինաստանի միջև։ Ներմուծման ծավալները նույնպես մի քանի անգամ ավելացել են։ Մասնավորապես, հաշվետու ժամանակահատվածում ներմուծումն աճել է 2.8 անգամ ՝ կազմելով 2 542 հազար կարատ, մաքսային արժեքի 3.1 անգամ աճի դեպքում ՝ մինչև 389.9 մլն դոլար: Ադամանդների առյուծի բաժինը ներմուծվել է ՌԴ-ից (48%), Հնդկաստանից (34,3%), Բելառուսից (6,9%), Հոնկոնգից (4,1%), ԱՄԷ-ից (2,5%), ավելի փոքր ծավալներով՝ Անգոլայից, Բելգիայից, Իսրայելից, Թաիլանդից, Լիբանանից, Շվեյցարիայից, Չինաստանից, Կանադայից, ՀԱՀ-ից, ԱՄՆ-ից, Գերմանիայից, Սիերա Լեոնեից: Աղբյուրը՝   finport.am