Nasdaq-ը $10,5 միլիարդով կգնի ֆինանսական ծրագրերի մշակող Adenza-ն Համաշխարհային ֆինանսական համակարգը սպասարկող Nasdaq տեխնոլոգիական ընկերությունը հայտարարել է Thoma Bravo-ի հետ $10,5 միլիարդով ռիսկերի կառավարման համար կրիտիկական ծրագրային ապահովման մատակարար Adenza-ի ձեռքբերման մասին,- գրում է fintech.am-ը։ Adenza-ն արագ զարգացող ծրագրային ապահովման ընկերություն է, որը ստեղծվել է երկու համաշխարհային ապրանքանիշերի՝ Calypso-ի և AxiomSL-ի համատեղմամբ: Ընկերությունն ունի «գրավիչ ֆինանսական պրոֆիլ»: 2023 թվականին ակնկալվող եկամուտը կազմում է $590 միլիոն (տարեկան եկամուտների աճը 15-18%)։ Ակնկալվում է, որ Adenza-ի ավելացումը կբարելավի Nasdaq-ի առանց այն էլ ուժեղ ֆինանսական պրոֆիլը` ավելացնելով բիզնեսի լուծումներից ստացված հասույթը: