LinkedIn-ը փորձարկում է ուղեկցող նամակներ գրող նեյրոցանց LinkedIn-ը փորձարկում է AI ֆունկցիա, որը կօգնի օգտատերերին ստեղծել կարճ հաղորդագրություն: Այն նման է ուղեկցող նամակին և հնարավոր կլինի ուղարկել հարթակում ընկերության հավաքագրողին, գրում է Engadget-ը,- հայտնում է fintech.am-ը։ Գործառույթն աշխատում է միայն պրեմիում բաժանորդագրության օգտատերերի համար: Օգտատերերը թափուր հաստիքներ բաժնում կտեսնեն նաև «թույլ տալ AI-ին պատրաստել ուղեկցող նամակ»: Ընկերությունը պնդում է, որ այն գրելու համար նեյրոցանցը կօգտագործի տեղեկություններ օգտատիրոջ և հավաքագրողի պրոֆիլից, ինչպես նաև թափուր աշխատատեղի նկարագրությունից: Պարբերականը նշում է, որ ուղեկցող նամակի բովանդակությունն ու ծավալը խիստ տարբերվելու են՝ կախված պրոֆիլի բովանդակությունից։ Բացի այդ, հաղորդագրությունը ուղարկելուց առաջ պետք է կրկնակի ստուգել: