Լուրեր ներդրողների համար. Limitless Asset Management

TSMC-ն՝ աշխարհի խոշորագույն պայմանագրային չիպարտադրողը, հաղորդել է չորրորդ եռամսյակի տպավորիչ եկամուտը՝ 868,42 միլիարդ Թայվանական դոլար (26,36 միլիարդ դոլար)՝ գերազանցելով շուկայի սպասումները։

Ընկերության հաղթական ցուցանիշները պայմանավորված են արհեստական բանականության տեխնոլոգիաների աճող պահանջարկով: Լինելով հիմնական մատակարար այնպիսի խոշոր տեխնոլոգիական խաղացողների, ինչպիսիք են Apple-ը և Nvidia-ն, TSMC-ն շարունակում է օգուտ քաղել տեխնոլոգիական մատակարարման շղթայում իր առանցքային դերից: Moderna բիոտեխնոլոգիական ընկերությունը նվազեցրել է 2025 թվականի վաճառքի ուղեցույցը մոտավորապես 1 միլիարդ դոլարով, քանի շարունակում է կրճատել ծախսերը։

Այժմ Moderna-ն ակնկալում է, որ 2025 թվականին եկամուտը կկազմի 1.5-2.5 միլիարդ դոլար, որի մեծ մասը կստացվի տարվա երկրորդ կեսին: Ըստ ընկերության, այդ վաճառքների մեծ մասը Covid պատվաստանյութից և շնչառական վիրուսի նոր գործարկված պատվաստանյութից է լինելու:

Ուղեցույցը ցածր է սեպտեմբերին հրապարակված 2.5-3.5 միլիարդ դոլարի նախորդ կանխատեսումից։ Moderna-ի բաժնետոմսերը նվազել են գրեթե 17%-ով` հունվարի 14-ի դրությամբ կազմելով 34.5 ԱՄՆ դոլար: Պատվաստանյութեր արտադրող մյուս ընկերությունների՝ Novavax-ի և BioNTech-ի բաժնետոմսերը նույնպես նվազել են ավելի քան 7%-ով։ Ըստ Motor Intelligence ընկերության, անցյալ տարի ԱՄՆ-ում վաճառվել է ավելի քան 3.2 միլիոն «էլեկտրաֆիկացված» մեքենա, 1.9 միլիոն հիբրիդային մեքենա և 1.3 միլիոն ամբողջովին էլեկտրական մոդելներ, ինչի արդյունքում էլեկտրական մեքենաների և հիբրիդային մոդելների տեսակարար կշիռը 2024 թվականի ընթացքում կազմել է վաճառված մեքենաների ընդհանուր քանակի մոտ 20%-ը:

Ներքին այրման շարժիչներով մեքենաները դեռևս կազմում են վաճառքի մեծ մասը, սակայն ժամանակակից ավտոմոբիլային պատմության մեջ առաջին անգամ նվազել են մինչև 79.8%:

Ամբողջովին էլեկտրական մեքենաների շարքում Tesla Model Y-ը և Model 3-ը գնահատվել են որպես 2024 թվականին ամենավաճառվող EV-ները: Tesla-ին հաջորդում է Hyundai Motor-ը EV շուկայում 9.3% մասնաբաժնով, այնուհետ General Motors-ը՝ 8.7% և Ford Motor-ը՝ 7.5%-ով մասնաբաժիններով. հնգյակը եզրափակում է BMW-ն՝ իր 4.1%-ով: ԴԻՄԵՔ ՄԵԶ՝ Limitlessam.com [email protected] +374 11 888 118 Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ: Կազմակերպությունը վերահսկվում է ՀՀ Կենտրոնական Բանկի կողմից   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին ծանոթանալու համար: