Անցնող շաբաթվա այլ կարևոր իրադարձությունները ֆինանսական շուկաների համար Reuters-ի կողմից տնտեսագետների շրջանում հարցման արդյունքներով ԱՄՆ Դաշնային պահուստային համակարգը նոյեմբերի 7-ին վերաֆինանսավորման տոկոսադրույքը կնվազեցնի 25 բազային կետով։ Հարցմանը մասնակցածների 90%-ից ավելին կանխատեսում է ևս 0.25 տոկոսային կետով նվազեցում դեկտեմբերին, ինչի արդյունքում վերաֆինանսավորման տոկոսադրույքը կկազմի 4.25%-4.50%: Ճապոնիայում գործազրկության մակարդակը սեպտեմբերին նվազել է մինչև 2.4%՝ օգոստոսին գրացված 2.5%-ից հետո։ Տնտեսագետները սեպտեմբերի համար ևս 2.5% գործազրկություն էին կանխատեսում։ Եվրոպական կենտրոնական բանկի նախագահը հայտարարել է, որ Եվրագոտու երկրներում գնաճը թիրախային 2%-ին կհասնի 2025թ.-ի ընթացքում։ Google-ի մայր ընկերություն Alphabet-ի՝ սպասվածից լավ ցուցանիշների հրապարակումից հետո Nasdaq Composite-ի արժեքը հասել է ռեկորդային բարձր մակարդակի՝ աճելով 0.78%-ով։ ԱՄՆ սպառողական ծախսերը, որը տնտեսական ակտիվության 2/3 մասն է կազմում, սեպտեմբերին աճել է 0.5%-ով՝ օգոստոսին գրանցված 0.3% աճից հետո։ Սպառողական ծախսերը տարեկան կտրվածքով սեպտեմբերին աճել են 3.7%-ով՝ գրանցելով 2023թ.-ի առաջին եռամսյակից ի վեր առավելագույն ցուցանիշը։ finarm.am