Լուրեր ներդրողների համար. Limitless Asset Management Alphabet-ի բաժնետոմսերն աճել են գրեթե 6%-ով. Google-ի մայր ընկերությունը հայտնել է երրորդ եռամսյակի ֆինանսական արդյունքների մասին, որոնք գերազանցել է վերլուծաբանների գնահատականները՝ պայմանավորված ամպային բիզնեսի զարգացումով:

Ընկերությունը հայտնել է մեկ բաժնետոմսի դիմաց 2.12 դոլար շահույթի մասին՝ 88.27 միլիարդ դոլար եկամուտով սեպտեմբերի 30-ին ավարտված եռամսյակի համար: Դա շահույթի և վաճառքի աճ է նախորդ տարվա նույն ժամանակահատվածի համեմատ համապատասխանաբար 37% և 15%-ով: Alphabet-ի մեկ բաժնետոմսի արժեքը հոկտեմբերի 29-ի դրությամբ կազմում է 171 ԱՄՆ դոլար: Samsung Electronics-ը հայտնել է արհեստական բանականության վրա հիմնված չիպերի մատակարարման գործընթացում առաջընթացի մասին՝ նպատակ ունենալով հանգստացնել ներդրողներին վերջին եռամսյակում կիսահաղորդչային բիզնեսի շահույթի որոշակի նվազումից հետո:

Հարավկորեական տեխնոլոգիական ընկերությունը հայտնել է, որ իր գործառնական շահույթը հուլիս-սեպտեմբեր ամիսներին աճել է ավելի քան 277%-ով նախորդ տարվա համեմատ՝ մինչև 6.65 մլրդ դոլար:

Սակայն այդ ցուցանիշը երկրորդ եռամսյակի համեմատ 12%-ով անկում է գրանցել, ինչը Samsung-ը հիմնականում պայմանավորում է ԱՄՆ դոլարի թուլացմամբ և միանվագ մեծ ծախսերով, ինչպիսիք են համակարգչային չիպերի բիզնեսում աշխատողներին խրախուսման տրամադրումը: Ընկերության մեկ բաժնետոմսի արժեքը նոյեմբերի 1-ի դրությամբ կազմում է 1,062 ԱՄՆ դոլար: ԴԻՄԵՔ ՄԵԶ՝ Limitlessam.com [email protected] +374 11 888 118 Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ: Կազմակերպությունը վերահսկվում է ՀՀ Կենտրոնական Բանկի կողմից