Լուրեր ներդրողների համար. Limitless Asset Management Գարեջուր արտադրող ընկերության բաժնետոմսերը նվազել են 10%-ով, քանի որ առաջին կիսամյակի շահույթի աճը չի արդարացրել վերլուծաբանների սպասելիքները. գրանցվել է 12.5% աճ` կանխատեսված 13.2%-ի փոխարեն: Գարեջրի վաճառքները նույնպես սպասվածից քիչ են աճել՝ 2.1% 3.2%-ի փոխարեն:

Heineken-ը հայտնել է 95 միլիոն եվրոյի վնասի մասին, որը հիմնականում պայմանավորված է չինական CR Beer գարեջրագործական ընկերությունում իր 874 միլիոն եվրո ներդրման արժեզրկմամբ: Ըստ ընկերության՝ արժեզրկումը պայմանավորված է CR Beer-ի բաժնետոմսերի գնի անկմամբ՝ Չինաստանում սպառողների պահանջարկի նվազման հետևանքով: Ընկերության մեկ բաժնետոմսի արժեքը հուլիսի 29-ի դրությամբ կազմել է 82 եվրո: Hugo Boss-ը հաստատել է երկրորդ եռամսյակի եկամտի 42% անկումը և նշել, որ կենտրոնանում է ծախսերի կրճատման վրա՝ առաջիկա եռամսյակներում շահութաբերությունը բարձրացնելու նպատակով:

Գերմանական նորաձևության տունն անցյալ ամիս նվազեցրել է իր տարեկան կանխատեսումները. տնտեսական և աշխարհաքաղաքական մարտահրավերները բացասական են ազդում համաշխարհային պահանջարկի վրա:

Ներկայումս լյուքս դասի ապրանքների ոլորտը պայքարում է ցածր վաճառքների դեմ. գնաճից տուժած սպառողները կրճատում են դիզայներական նորաձևության վրա կատարվող ծախսերը: Hugo Boss-ի մեկ բաժնետոմսի արժեքը օգոստոսի 1-ի դրությամբ կազմել է 39 եվրո։ Toyota Motor-ը հայտնել է առաջին կիսամյակում շահույթի 17% աճի մասին՝ պայմանավորված ծախսերի նվազմամբ և իենի ցածր փոխարժեքով, ինչը փոխհատուցել է վաճառքի և արտադրության ծավալների կրճատումը: Աշխարհի ամենաշատ վաճառքներն ունեցող ավտոարտադրողը հայտնել է, որ շահույթը երեք ամիսների ընթացքում մինչև հունիսը կազմել է 1.3 տրիլիոն իեն (8.70 միլիարդ դոլար):

Չնայած դրան, սա ամենացածր ցուցանիշն է եղել վերջին յոթ եռամսյակների ընթացքում և ընկերության բաժնետոմսերը նվազել են գրեթե 9%-ով: Toyota Motor-ը վերջերս որոշ խնդիրներ էր ունեցել նաև սերտիֆկացման հետ կապված՝ արտադրանքի անվտանգության և որակի առումով, ինչն ազդել էր հեղինակության վրա: Ընկերության մեկ բաժնետոմսի արժեքը օգոստոսի 1-ի դրությամբ կազմել է 179 ԱՄՆ դոլար: ԴԻՄԵՔ ՄԵԶ՝ Limitlessam.com [email protected] +374 11 888 118 Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ: Կազմակերպությունը վերահսկվում է ՀՀ Կենտրոնական Բանկի կողմից