Ներդրումային ոլորտը օգոստոսի 30-ին

Համաշխարհային ինդեքսներ Ամերիկյան ցուցիչները հինգշաբթի օրը փակվել են կանաչ գոտում. Dow Jones Industrial Average-ը աճել է 0.59%-ով՝ հասնելով 41,335.05 կետի։ S&P 500-ի արժեքը բարձրացել է 0.11%-ով՝ հասնելով 5,598.11 կետի։ Ուրբաթ օրը S&P 500-ի ֆյուչերսը ավելացել է 0.24%-ով։ Ճապոնական Nikkei 225-ը աճել է 0.80%-ով՝ հասնելով 38,689 կետի։ Կորեական KOSPI-ն աճել է 0.77%-ով՝ հասնելով 2,682.81 կետի, իսկ չինական Shanghai Composite-ը ավելացել է 1.18%-ով՝ հասնելով 2,856.42 կետի։ Մակրոէկոնոմիկա 1. Իսպանիայում նկատվում է ինֆլյացիայի դանդաղում: Նախնական գնահատմամբ, օգոստոսին ցուցանիշը կազմել է 2.2% տարեկան հաշվարկով։ Կանխատեսումը կազմում էր 2.4% տարեկան։ 2. Հուլիսին Չինաստանում ածխի արդյունահանումը հասել է սեզոնի ռեկորդային 390 միլիոն տոննայի (+3.2% տարեկան): Բացի այդ, ներմուծումը աճել է մինչև սեզոնի ռեկորդային 296 միլիոն տոննա (+13.4% տարեկան) 2024-ի առաջին յոթ ամիսների ընթացքում։ 3. Նախնական գնահատմամբ, Գերմանիայում ինֆլյացիան դանդաղել է և օգոստոսի արդյունքներով կկազմի 1.9% տարեկան հաշվարկով՝ նախորդ կանխատեսման 2.1% -ի փոխարեն։ 4. ԱՄՆ-ի տնտեսությունը երկրորդ եռամսյակում աճել է 3% տարեկան հաշվարկով: Նախորդ գնահատականը եղել է 2.8% տարեկան հաշվարկով։ Ապրանքային շուկաներ Ոսկու գինը նվազել է և ներկայումս կազմում է $2,517.4 մեկ ունցիայի համար։ Նավթի գները հինգշաբթի օրը աճել են։ Brent նավթը արժե $80.2 մեկ բարելի համար, իսկ WTI-ն՝ մոտ $76.2։ Կորպորատիվ իրադարձություններ/ միջոցառումներ HP Inc.-ն 2024 ֆինանսական տարվա երրորդ եռամսյակում իր հասույթը ավելացրել է 2.4%-ով՝ տարեկան հաշվարկով, մինչև $13.5 միլիարդ։ Մայիս-հուլիս ժամանակահատվածում զուտ շահույթը կազմել է $640 միլիոն (-16% տարեկան հաշվարկով): PC արտադրության ոլորտի հասույթը երրորդ եռամսյակում ավելացել է 5%-ով՝ տարեկան հաշվարկով, մինչև $9.4 միլիարդ։ Տպիչների վաճառքից ստացված եկամուտները նվազել են՝ կազմելով $4.1 միլիարդ (-3% տարեկան հաշվարկով): Ընկերության զուտ պարտքը կազմում է $6.8 միլիարդ, որը եռամսյակում նվազել է $300 միլիոնով։ Cube Invest