Ներդրումային ոլորտը հուլիսի 29-ին

Համաշխարհային ինդեքսներ Ամերիկյան ինդեքսները ուրբաթ փակվեցին աճով: Dow Jones Industrial Average-ը աճեց 1.64%-ով՝ հասնելով 40589.34 կետին: S&P 500-ի արժեքը աճեց 1.10%-ով՝ հասնելով 5458.71 կետին: S&P 500-ի ֆյուչերսը երկուշաբթի աճում է 0.45%-ով: Ճապոնական Nikkei 225-ը աճում է 0.65%-ով՝ հասնելով 38471 կետին: Կորեական KOSPI-ն աճում է 1.26%-ով՝ հասնելով 2766.22 կետին, իսկ չինական Shanghai Composite-ը տատանվում է անցյալ մակարդակներում՝ 2891.08 կետին: Մակրոէկոնոմիկա 1․ Ռուսաստանի բանկի խորհուրդը ուրբաթ նիստում որոշել է բարձրացնել հիմնական տոկոսադրույքը 200 բազիսային կետով՝ մինչև 18% տարեկան: 2․ ԱՄՆ-ում բազային ծախսերի ցուցանիշը հունիսին կազմել է 2.6% տարեկան հաշվարկով: Կանխատեսումը կազմել էր 2.5% տարեկան: Ապրանքային շուկաներ Այսօր ոսկու գինը աճում է՝ հասնելով $2394.2 մեկ ունցիայի համար: Նավթի գնանշումները ուրբաթ նվազել են: Brent նավթի գինը կազմում է $81.6 մեկ բարելի համար, իսկ WTI-ն՝ մոտ $77.6 մեկ բարելի համար: Կորպորատիվ իրադարձություններ/ միջոցառումներ 1․ Հետազոտական ընկերություն Canalys-ի գնահատմամբ՝ Apple-ը երկրորդ եռամսյակում Չինաստանում վաճառել է ընդամենը 9.7 միլիոն սմարթֆոն՝ չնայած գների նվազեցմանը: Շուկայի առաջատարը vivo-ն վաճառել է 13.1 միլիոն սմարթֆոն: Առաջատարների քառյակում են նաև Oppo, Honor, Huawei, Xiaomi: Apple-ի շուկայական բաժինը կազմում է պակաս քան 14%: 2․ Ամերիկյան սպառողական ապրանքների արտադրող Colgate-Palmolive-ը երկրորդ եռամսյակում զուտ շահույթը ավելացրել է գրեթե 1.5 անգամ, հասույթը աճել է մոտ 5% տարեկան հաշվարկով: Ապրիլ-հունիս ամիսներին զուտ շահույթը կազմել է $731 միլիոն՝ համեմատած $502 միլիոնի հետ երկրորդ եռամսյակում 2023 թվականին: Colgate-Palmolive-ի եռամսյակային հասույթը աճել է 4.9%-ով և կազմել $5.05 միլիարդ: 3․ AirFrance-KLM ավիափոխադրողը հայտնել է եռամսյակային հասույթի 4.3% տարեկան աճի մասին, հասնելով գրեթե €8 միլիարդի: Օպերացիոն շահույթը կազմել է €513 միլիոն (-30% տարեկան հաշվարկով): Զուտ շահույթը նվազել է €447 միլիոնով՝ կազմելով €165 միլիոն: Փոխադրված ուղևորների թիվը աճել է 4%-ով, հասնելով 25.7 միլիոնի: Cube Invest