Լուրեր ներդրողների համար. Limitless Asset Management Micron-ի բաժնետոմսերը նվազել են 16%-ով, ինչը 2020 թվականի մարտից և Covid-ի համաճարակի սկզբից ի վեր ընկերության գրանցած վատագույն ցուցանիշն է՝ պայմանավորված երկրորդ եռամսյակի հիասթափեցնող կանխատեսումներով:

Բաժնետոմսերն ընկել են մինչև 87.09 դոլար՝ մոտ 45%-ով իջնելով հունիսին գրանցված բոլոր ժամանակների ամենաբարձր ցուցանիշից:
Ֆինանսական երկրորդ եռամսյակի համար ընկերությունն ակնկալում է 7.9 միլիարդ դոլար եկամուտ, մինչդեռ վերլուծաբանները կանխատեսում էին շուրջ 8.9 միլիարդ դոլար: Դեկտեմբերի 24-ի դրությամբ ընկերության մեկ բաժնետոմսի արժեքը կազմել է 89 ԱՄՆ դոլար: Չինաստանի արդյունաբերական շահույթը նվազում է չորրորդ ամիսն անընդմեջ՝ նոյեմբեր ամսին նախորդ տարվա համեմատ իջնելով 7.3%-ով։ Հունվարից նոյեմբեր ընկած ժամանակահատվածում ցուցանիշը նախորդ տարվա նույն ժամանակահատվածի համեմատ նվազել է 4.7%-ով: Հանքարդյունաբերության շահույթը տարվա 11 ամիսների ընթացքում կրճատվել է 13.2%-ով, իսկ մշակող արդյունաբերական ոլորտինը՝ 4.6%-ով։

Այնուամենայնիվ, Չինաստանի տնտեսության որոշ հատվածներ ցույց են տվել վերականգնման նշաններ. Էլեկտրաէներգիայի, գազի և ջրամատակարարման ոլորտում գրանցվել է աճ 10.9%-ով: Չինաստանի տնտեսական ցուցանիշները մատնանշում են, որ աշխարհի 2-րդ խոշոր տնտեսությունն ունեցող երկիրը շարունակում է պայքարել գնաճի դեմ՝ պայմանավորված ցածր պահանջարկով և անշարժ գույքի շուկայի երկարատև անկմամբ: ԴԻՄԵՔ ՄԵԶ՝ Limitlessam.com [email protected] +374 11 888 118 Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ: Կազմակերպությունը վերահսկվում է ՀՀ Կենտրոնական Բանկի կողմից