ԶՊՄԿ տնօրենների խորհրդի նիստի և բաժնետերերի ժողովի մասին 2024 թվականի նոյեմբերի 27-ին տեղի է ունեցել «Զանգեզուրի պղնձամոլիբդենային կոմբինատ» փակ բաժնետիրական ընկերության տնօրենների խորհրդի նիստը, որի ընթացքում  Խորհուրդն ի թիվս այլնի Ընկերության բաժնետերերին առաջարկ է ներկայացրել 2023 թվականի գործունեության արդյունքներով ընկերության կուտակված ընդհանուր զուտ շահույթից (ներառյալ նախորդ տարիները) տարեկան շահութաբաժիններ վճարել։ 2024 թվականի դեկտեմբերի 05-ին տեղի է ունեցել Ընկերության բաժնետերերի ժողովը, որի ընթացքում Ընկերության բաժնետերերը քննարկել են Ընկերության 2023 թվականի տարեկան ֆինանսական հաշվետվությունների, հաշվապահական հաշվեկշռի,  շահույթների և վնասների հաշվի, շահույթների և վնասների բաշխման, ինչպես նաև տարեկան շահաբաժինների վճարելու հարցերը, ինչի արդյունքում Ընկերության բաժնետերերի Ժողովը որոշել է 2023 թվականի գործունեության արդյունքներով ընկերության կուտակված ընդհանուր զուտ շահույթից (ներառյալ նախորդ տարիները) տարեկան շահութաբաժիններ վճարել ընդհանուր 152 միլիարդ ՀՀ դրամի չափով՝ Ընկերության կանոնադրական կապիտալում բաժնետերերի մասնակցության չափին համամասնորեն: ԶՊՄԿ  լրատվության և հասարակության հետ կապերի բաժին   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: