Մոսկվայում մեկնարկել է TOON EXPO MOSCOW 2025-ը, որտեղ ներկայացված են պրեմիում անշարժ գույքի նախագծեր Հայաստանից, Ռուսաստանից և ողջ աշխարհից։ Այսօր ամբողջ աշխարհում ներդրողները նոր շուկաներ են փնտրում հեռանկարային ներդրումներ կատարելու համար, և TOON EXPO-ն հիանալի հնարավորություն է ոլորտի առաջատարների և ներդրողների հետ կապեր հաստատելու և հայկական շուկայում աճի նոր հնարավորություններ ներկայացնելու համար։ Դալան Տեխնոպարկը, որպես Հայաստանի ամենագրավիչ ներդրումային նախագծերից մեկը, ներկայացված է TOON EXPO-ում։ Այն ռուսաստանյան ներդրողներին և գործընկերներին ներկայանում է որպես յուրահատուկ ներդրումային հնարավորություն, քանի որ մեկ տարածքում համախմբում է բոլոր անհրաժեշտ ենթակառուցվածքները՝ աշխատելու և հանգիստ ու հարմարավետ առօրյան կազմակերպելու համար։ Դալանը ներկայացված է իր կոմերցիոն գործընկեր Red Invest Group-ի տաղավարում, որտեղ այցելուները ծանոթանում են տեխնոպարկի հնարավորություններին, ներդրումային մոդելին և ապագա վարձակալների համար նախատեսված աշխատատեղերի նոր ստանդարտներին։ Նախագիծը արդեն իսկ մեծ հետաքրքրություն է առաջացրել էքսպոյի այցելուների շրջանում՝ որպես հեռանկարային բիզնես նախագիծ, որն իր մեջ համախմբել է աշխարհի տարբեր տեխնոպարկերի լավագույն փորձը։ Դալանն ունի 155,000 քմ կառուցապատվող մակերես, կառուցվում է որպես ժամանակակից բիզնես էկոհամակարգ, և բացի գրասենյակային տարածքներից, իր կառուցվածքում ներառում է․ - ռեստորաններ և food court - մարզասրահ, լողավազան և SPA կենտրոն, - կոնֆերանսների և միջոցառումների սրահներ - հյուրանոց - կոմերցիոն տարածքներ - հրապարակներ և հանգստի գոտիներ Տեխնոպարկն ունենալու է 3000 օֆիսային աշխատատեղ և 40,000 քմ գրասենյակային տարածք։ Դալանը նախագծվել և կառուցվում է միջազգային LEED և BOMA ստանդարտներով՝ ապահովելով էներգախնայողություն, առողջ միջավայր և տեխնոլոգիական հագեցվածություն։ https://youtu.be/UHGwyWoWLUo   *գովազդ   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: