Շփումների նոր ձևաչափ. Ինչ նոր գործառույթ է ստացել WhatsApp-ը iPhone-ում

iPhone-ի օգտատերերի համար հասանելի է դարձել մի նոր գործառույթ, որը թույլ է տալիս WhatsApp-ն օգտագործել որպես հիմնական հավելված զանգեր կատարելու և հաղորդագրություններ ուղարկելու համար։ Այս նորամուծությունը կարող է էականորեն հեշտացնել օգտատերերի շփումները, հատկապես նրանց համար, ովքեր ամեն օր հիմնականում օգտագործում են հենց WhatsApp-ը։

Ինչ է փոխվում iOS-ում

Նոր գործառույթը հասանելի է iOS 18.2 և ավելի նոր տարբերակների համար։ Երբ WhatsApp-ը սահմանվում է որպես հիմնական հավելված, iPhone-ը տարբեր գործողությունների ժամանակ կօգտագործի հենց այդ հավելվածը՝ փոխարենը Apple-ի ներսային «Phone» և «Messages» հավելվածների։ Մասնավորապես՝

• Եթե Safari-ի կամ այլ բրաուզերի էջում սեղմում եք որևէ հեռախոսահամարի վրա, այն բացվում է WhatsApp-ում,

• Եթե կոնտակտների ցանկից փորձում եք հաղորդագրություն ուղարկել, կբացվի WhatsApp-ը։

Ինչպես ակտիվացնել ֆունկցիան

WhatsApp-ը որպես հիմնական հավելված սահմանելու համար պետք է կատարել հետևյալ քայլերը՝

1. Բացեք Կարգավորումներ (Settings),

2. Անցեք Հավելվածներ (Apps) բաժին,

3. Ընտրեք Հիմնական հավելվածներ (Default Apps),

4. Այստեղ, համապատասխանաբար, Հաղորդագրություններ (Messages) և Զանգեր (Calls) բաժիններում ընտրեք WhatsApp-ը։

Ըստ WABetaInfo-ի՝ կարգավորումը շատ պարզ է և տևում է ընդամենը մի քանի վայրկյան։

Ովքե՞ր կարող են օգտվել այս հնարավորությունից

Սկզբում այս գործառույթը նախատեսված էր բացառապես Եվրամիության տարածքի համար՝ համապատասխանելով Դիջիթալ շուկայի ակտին (DMA), սակայն Apple-ը որոշել է այն ընդլայնել բոլոր օգտատերերի համար։

Այժմ ֆունկցիան հասանելի է միայն WhatsApp-ի բետա-տարբերակն օգտագործողներին, որը հասանելի է TestFlight հավելվածի միջոցով։ Ակնկալվում է, որ առաջիկա օրերին կամ շաբաթներին այն հասանելի կդառնա նաև ավելի լայն շրջանակի օգտատերերի համար, երբ գործառույթը ինտեգրվի WhatsApp-ի պաշտոնական թողարկված տարբերակում։

WhatsApp-ի զարգացման ուղղված նոր հնարավորություններ

Վերջին ամիսներին WhatsApp-ի թիմը ակտիվորեն աշխատում է հավելվածի ֆունկցիոնալության ընդլայնման վրա։ Դրանցից են՝

• Հնարավորություն՝ ձեռքով մուտքագրել հեռախոսահամարներ՝ անմիջապես հավելվածի զանգերի բաժնում,

• Համարի ստուգման գործիք, որը ցույց է տալիս՝ արդյոք տվյալ համարը գրանցված է WhatsApp-ում, թե պատկանում է վավերացված բիզնես պրոֆիլի։

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: