ՀՀ քաղաքացիների գրանցած ՏՏ կազմակերպությունները 6 ամսում կրճատվել են մոտ 4.4 անգամ. Աղասի Թավադյան
2024թ. երկրորդ եռամսյակում Հայաստանի ՏՏ ոլորտում գրանցվել է 14.1% տարեկան անկում, ինչը մտահոգիչ է, հատկապես նկատի ունենալով, որ 2023 թվականի նույն ժամանակահատվածում ոլորտը ցուցադրել էր 62.6% աճ։  ՏՏ ոլորտի խնդիրների մասին, որը կառավարության կողմից հռչակվել է առաջնային, մեկնաբանություն է տվել tvyal.com հարթակի հիմնադիր, տնտեսագետ Աղասի Թավադյանը։ «Վերջին 9 ամիսներին ՏՏ ոլորտը չի ցուցադրում աճ, այլ ընդհակառակը՝ անկում կա։ Եթե վերլուծենք ՀՆԱ-ի ցուցանիշները, ապա կտեսնենք, որ ՏՏ ոլորտը երկու եռամսյակ՝ 6 ամիս շարունակ, աճ չի գրանցել, ինչը վկայում է հնարավոր ինստագնացիայի մասին։ Բացի այդ, դադարել է նաև ՏՏ ոլորտի աշխատողների աշխատավարձերի աճը։ Վերջին կես տարվա ընթացքում այս ոլորտում աշխատողների և աշխատավարձերի աճ գրեթե չկա, իսկ որոշ աղբյուրների համաձայն՝ առկա է նաև արտահոսք։
Այս իրավիճակը պայմանավորված է մի քանի գործոններով, որոնցից մեկը հարկաբյուջետային քաղաքականությունն է։ Կառավարությունը ձգտում է ամեն գնով բարձրացնել հարկահավաքությունը՝ իր նպատակները իրագործելու համար, ինչը, ցավոք, դարձել է ինքնանպատակ»։ Հոդվածն ամբողջությամբ՝ Panorama.am