IDBank-ը հեշտացրել է սահմանամերձ համայնքի բնակիչների կյանքը

Հեռավոր Խնձորեսկում բնակիչներից 30-ի ֆինանսական կյանքը վերջին ամիսներին զգալի հեշտացել է: Բնակիչները իրենց հեռախոսներում Idram&IDBank հավելվածն ունեն ու բազմաթիվ վճարումներ և փոխանցումներ են իրականացնում մոբայլ բանկինգ տարբերակով այն բանից հետո, երբ մասնակից են դարձել ԿԲ-ի նախաձեռնած «Դրամ 30-30 դեպի ֆինանսական բարեկեցություն» փորձարարական նախագծին: Սամանամերձ 4 համայքներից Խնձորեսկում այս ծրագիրն իրականացվել է IDBank –ի աջակցությամբ: Ծրագիրը 6 ամիս է տևել: Ընթացքում մասնագետները գյուղաբնակներին բանկային թվային ծառայություններից օգտվելու հնարավորություն և անձնական ֆինանսները կառավարելու հմտություններ են փոխանցել: https://youtu.be/MSms4906wMI Արդյունքում սահմանամերձ համայնքի բնակիչները հիմա ինքնուրույն կարողանում են տանից նստած` առանց մասնաճյուղ գնալու օգտվել բոլոր այն բանկային գործիքներից, որոնցից կօգտվեին մասնաճյուղ այցելելու դեպքում: