Աշխատատեղերի թիվը շարունակում է աճել. ինչպե՞ս է դա փոխում աշխատաշուկան

Պետական եկամուտների կոմիտեի հրապարակած տվյալների համաձայն՝ 2024 թվականի նոյեմբերին աշխատատեղերի թիվը շարունակել է աճել՝ հասնելով 782,832-ի։ Սա 44,946-ով կամ 6.1 տոկոսով գերազանցել է նախորդ տարվա նոյեմբերին արձանագրված ցուցանիշը։ Հոկտեմբերյան բարձր աճը Նոյեմբերից մեկ ամիս առաջ՝ հոկտեմբերին, գրանցված աշխատատեղերի թիվը կազմել է 779,151, ինչը նախորդ տարվա համեմատ ավելացել է 48,896-ով կամ 6.7 տոկոսով։ Սա 2024 թվականի ընթացքում գրանցված ամենամեծ աճն է։ Տարվա սկզբից աճի միտումը Չնայած 2024 թվականի հունվարին արձանագրված սեզոնային անկմանը, երբ աշխատատեղերի թիվը նվազել էր մինչև 713,715, մարտից սկսած՝ աշխատաշուկան վերականգնվել է։

• Մարտին աշխատատեղերի թիվը կազմել է 741,610,
• Հուլիսին՝ 750,863,
• Օգոստոսին՝ 751,816։

Հուլիսի տվյալները Հուլիսին եկամտային հարկի և սոցիալական վճարի հաշվարկներով աշխատատեղերի թիվը ավելացել է 4.6 տոկոսով՝ նախորդ տարվա համեմատ, ինչը կազմել է 33,097 նոր աշխատատեղ։ Այս տվյալները փաստում են աշխատաշուկայի կայուն վերականգնման և աճի միտման մասին, որը կարևոր է տնտեսության զարգացման համար։