Անցնող շաբաթվա այլ կարևոր իրադարձությունները ֆինանսական շուկաների համար ԱՄՆ սպառողների տրամադրության ինդեքսն ապրիլին 4-րդ ամիսն անընդմեջ նվազել է՝ պայմանավորված մաքսատուրքերի տնտեսական ազդեցության վերաբերյալ մտահոգություններով։ Ինդեքսը մարտ ամսին 57 էր, իսկ ապրիլին նվազել է մինչև 52.2: Մասնագետների կարծիքով Եվրագոտու գնաճն այս տարի կարող է մի փոքր բարձր լինել, քան նախապես էր կանխատեսվում, սակայն այն կկայունանա Եվրոպական Կենտրոնական Բանկի 2% թիրախային մակարդակի շուրջ։ Ճապոնիայում ապրիլին սպառողական գնաճը սննդամթերքի գների աճի ֆոնին հասել է 3.4%-ի՝ գրանցելով վերջին 2 տարիների առավելագույն ցուցանիշը։ Ճապոնիայի կենտրոնական բանկը չի շտապում բարձրացնել վերաֆինանսավորման տոկոսադրույքը՝ նշելով, որ գնաճը դեռևս «վտանգավոր» մակարդակի վրա չէ։ ԱՄՆ-ում գործազրկության նպաստի առաջնային դիմումների թիվն ապրիլի 19-ին ավարտվող շաբաթվա ընթացքում աճել է 6,000-ով և կազմել 222,000, ինչը ենթադրում է, որ աշխատուժի շուկան դեռևս կայուն է։ Մասնագետներն այս տարվա երկրորդ կեսին աշխատուժի շուկայի թուլացում են կանխատեսում։ Արժույթի Միջազգային Հիմնադրամը նվազեցրել տնտեսական աճի իր կանխատեսումը Եվրագոտու երկրների համար՝ 2025 թվականին ակնկալելով 0.8% աճ, 2026 թվականին՝ 1.2% աճ, ինչը երկու դեպքում էլ 0.2 տոկոսային կետով ցածր է տարեսկզբին կանխատեսված ցուցանիշներից։ finarm.am   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: