Զբոսաշրջային շատ ընկերություններ, ամենայն հավանականությամբ կփակվեն

Սեպտեմբերի 1-ից մասամբ ուժի մեջ է մտնում «Զբոսաշրջության մասին» նոր օրենքը, որը լիարժեքորեն կգործի հաջորդ տարում։ Օրենքի պահանջներով, բոլոր զբոսաշրջային գործունեություն ծավալող կազմակերպությունները պարտավոր են հաշվառվել, ունենալ առնվազն 15 քմ մակերեսով գրասենյակ, 2 գրանցված աշխատակից, և իրականացնել ֆինանսական դեպոզիտներ: Ոլորտի ներկայացուցիչները հիմնականում աջակցում են այս նոր կարգավորումներին՝ հավատալով, որ դրանք կնպաստեն ոլորտի զարգացմանը։ Այնուամենայնիվ, նրանք ընդգծում են, որ պետությունը, հավասար պայմաններ սահմանելով մեծ և փոքր ընկերությունների համար, պետք է նաև աջակցի փոքր բիզնեսներին: Հայաստանյան զբոսաշրջային գործակալություններից մեկի սեփականատեր Ալինա Պետրոսյանը ներկայացրել է իր մտահոգությունները նոր կարգավորումների վերաբերյալ: «Հասկանալի չէ, թե ինչ կերպ է հաշվարկվելու դեպոզիտը։ Եթե դա ֆիքսված մեծ գումար է, ապա բազմաթիվ ընկերություններ ստիպված կլինեն փակվել։ Իսկ եթե գումարը կապված լինի գործունեության ծավալի հետ, ապա հնարավոր կլինի խուսափել խնդիրներից», - ասել է Պետրոսյանը։

SPUTNIK