Անցնող շաբաթվա այլ կարևոր իրադարձությունները ֆինանսական շուկաների համար

Կանադայում գնաճը հուլիսին տարեկան կտրվածքով կազմել է 2.5%՝ գրանցելով 2021թ.-ի ապրիլից ի վեր ամենացածր ցուցանիշը։ Շուկայի մասնակիցների կանխատեսմամբ՝ Կանադայի բանկը սեպտեմբերին կայանալիք նիստին կնվազեցնի վերաֆինանսավորման տոկոսադրույքը։ Reuters-ի կողմից տնտեսագետների շրջանում կատարված հարցումների արդյունքներով Դաշնային պահուստային համակարգը այս տարվա ընթացքում 3 անգամ 0.25 տոկոսային կետով կնվազեցնի վերաֆինանսավորման տոկոսադրույքը։ Թուրքիայի կենտրոնական բանկն անփոփոխ է թողել վերաֆինանսավորման տոկոսադրուքն արդեն 5-րդ ամիսն անընդմեջ՝ սահմանելով 50%: Բրիտանական սթերլինգի փոխարժեքը դոլարի նկատմամբ հասել է վերջին 2 տարիների առավելագույն մակարդակին՝ պայմանավորված երկրի տնտեսության վերականգնման նշաններով և ԱՄՆ-ում սպասվող տոկոսադրույքների կրճատումներով։ Ամերիկյան բաժնետոմսերի ֆոնդերը տոկոսադրույքների կրճատման սպասումների ֆոնին օգոստոսի 21-ին ավարտվող շաբաթվա ընթացքում գրանցել են միջոցների ամենամեծ մեկշաբաթյա ներհոսքը հուլիսի 17-ից ի վեր՝ 5.97 միլիարդ դոլար։ finarm.am