Օգոստոսի 24-ի եղանակային կանխատեսումը հանրապետությունում. օդի ջերմաստիճանը կնվազի

ՀՀ ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ-ը տեղեկացնում է․ Երևանում oգոստոսի 24-25-ին երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ։ Օգոստոսի 26-28-ին սպասվում է առանց տեղումների եղանակ։ Օգոստոսի 24-28-ին երեկոյան ժամերին սպասվում է քամու ուժգնացում` 14-18 մ/վ արագությամբ։ Հանրապետության տարածքում oգոստոսի 24-25-ին գիշերը և կեսօրից հետո, 26-ին` կեսօրից հետո, առանձին շրջաններում սպասվում է կարճատև անձրև և ամպրոպ։ Օգոստոսի 27-28-ին սպասվում է առանց տեղումների եղանակ։ Քամին՝ հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում` 17-20 մ/վ արագությամբ: Օգոստոսի 24-28-ին երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 14-18մ/վ արագությամբ։ Օդի ջերմաստիճանն օգոստոսի 24-25-ին ցերեկային ժամերին աստիճանաբար կնվազի 3-5 աստիճանով։ Երևան քաղաքի օգոստոսի 24-ի  բազմամյա կլիմայական տվյալներ

• Օդի առավելագույն ջերմաստիճան      37.3°C (1999թ.)
• Օդի նվազագույն ջերմաստիճան         12.0°C (2009թ.)
• Օդի միջին օրական ջերմաստիճան     24.1°C