Անցնող շաբաթվա այլ կարևոր իրադարձությունները ֆինանսական շուկաների համար

Եվրագոտու երկրներում հոկտեմբերին գնաճը կազմել է 2%՝ նախորդ ամիս գրանցված 1.7% գնաճից հետո։ ԵԿԲ-ն ակնկալում է, որ մինչև տարեվերջ գնաճը կշարունակի բարձրանալ, իսկ հաջորդ տարվա ընթացքում աստիճանաբար կիջնի՝ հասնելով 2 տոկոս թիրախային ցուցանիշին։ ԱՄՆ-ում գործազրկության նպաստի առաջնային դիմումների թիվը նոյեմբերի 16-ին ավարտվող շաբաթվա ընթացքում նվազել է 6,000-ով և կազմել 213,000՝ հասնելով վերջին 7 ամիսների նվազագույն մակարդակին։ Reuters-ի կողմից տնտեսագետների շրջանում կատարված հարցումների արդյունքներով Դաշնային պահուստային հաշակարգը դեկտեմբերին տոկոսադրույքների ևս մեկ կրճատում կիրականացնի, իսկ 2025թ.-ի ընթացքում ավելի քիչ կրճատումներ կլինեն, քան նախապես կանխատեսվում էր, ինչը պայմանավորված է նորընտիր նախագահ Դոնալդ Թրամփի առաջարկած քաղաքականության արդյունքում սպասվող գնաճով։ Բիթքոինի գինը նոյեմբերի 22-ին հատել է 99,000 դոլարի շեմը՝ հասնելով իր պատմական առավելագույն մակարդակին։  Թվային արժույթի փոխարժեքը սկսել է բարձրանալ  ԱՄՆ նախագահական ընտրությունների օրվանից և մինչ այժմ մի քանի անգամ ռեկորդային ցուցանիշ է գրանցել։ ԱՄՆ-ն պատժամիջոցներ է սահմանել ռուսական Գազպրոմբանկի նկատմամբ։ ԱՄՆ ֆինանսների նախարարությունից հայտնել են, որ պատժամիջոցների տակ հայտնված անձանց ցանկում ավելացել են ավելի քան 50 բանկ, 40-ից ավել արժեթղթերի ռեեստր վարող անձինք և 15 ֆիզիկական անձ։ finarm.am