Max Factor-ը և Hugo Boss-ը դադարեցնում են իրենց գործունեությունը

Կոսմետիկ Coty ընկերությունը (ապրանքանիշերը ՝ Max Factor, Calvin Klein, Davidoff, Gucci, Hugo Boss, Miu Miu, Burberry և այլն) որոշել է դադարեցնել աշխատանքը Ռուսաստանում ՝ Ուկրաինայի պատերազմի պատճառով։ Այս մասին ասվում է ընկերության հաղորդագրության մեջ։ «ԱՄՆ-ի և Մեծ Բրիտանիայի համապատասխան կանոնակարգերի մանրակրկիտ ուսումնասիրությունից և վերլուծությունից հետո Coty-ն որոշել է անհապաղ դադարեցնել գործունեությունը Ռուսաստանում», - նշում են ընկերությունում:   2021 թվականին Coty-ն, որը վաճառում է կոսմետիկա, մաշկի խնամքի միջոցներ և օծանելիք, ունեցել է 4,63 միլիարդ դոլարի վաճառք, ընդ որում Ռուսաստանին բաժին է ընկնում 3%-ը։ Coty-ն չի ակնկալում, որ Ռուսաստանում գործունեությունը դադարեցնելու որոշումը էականորեն կազդի 2022 թվականի իր եկամուտների և շահույթի թիրախների վրա: