«Շահութաբեր» բիթքոինների մասնաբաժինը մոտենում է 85%-ին

Պոտենցիալ շահույթ ներկայացնող բիթքոինների բաժինը հասել է ընդհանուր առաջարկի 83,7%-ին։ Սա ամենաբարձր ցուցանիշն է 2021թ. նոյեմբերից ի վեր, ասվում է Bitfinex-ի վերլուծաբանների զեկույցում,- գրում է b24.am-ը: Փորձագետները նշել են, որ այս 16,3 մլն BTC-ի սեփականատերերը «դժկամությամբ են վաճառում, իսկ գնորդները ակտիվորեն չեն փնտրում քոինների մատակարարում»: «Դրա պատճառներից մեկն այն է, որ չիրացված շահույթի իրական չափը մնում է համեստ», – ավելացրել են նրանք: Ըստ վերլուծաբանների՝ թվային ոսկու կարճաժամկետ և երկարաժամկետ սեփականատերերի միջև հարաբերակցությունը փոխվում է հօգուտ վերջինիս։ Արդյունքում, բիթքոինի մոտավորապես 70%-ը կամ «աննախադեպ» 16,3 մլն BTC-ն տարվա ընթացքում չի արձանագրել որևէ տեղաշարժ: Միաժամանակ քոինների 60%-ը 2 տարի անշարժ է մնացել։ Ըստ Bitfinex-ի մասնագետների՝ ցուցանիշները մատնանշում են, որ շուկան գտնվում է «համեմատաբար ուժեղ դիրքում», քանի որ քոինների սեփականատերերը տեսնում են իրենց ներդրումների դրական վերադարձը և չեն շտապում լուծարել ակտիվները: Փորձագետները նաև նշել են, որ բիթքոինն անցյալ շաբաթ դուրս չեկավ ներկայիս գների միջակայքից՝ չնայած Binance-ի շուրջ բացասական նորություններին: