????Ի ՞նչ է սպասվում 28.07.23-ին ⚡️«Տուրանդոտ» օպերայի պրեմիերային ընդառաջ Հուլիսի 28-ին՝ ժամը 10-ին, Ա.Սպենդիարյանի անվան օպերայի և բալետի ազգային ակադեմիական թատրոնում տեղի կունենա հռչակավոր կոմպոզիտոր Ջակոմո Պուչչինիի «Տուրանդոտ» երեք գործողությամբ օպերայի պրեմիերային ընդառաջ մամուլի ասուլիսը: ⚡️Հանդիպում բուլղարահայ հոգեբան Մոնիկա Բալայանի հետ Հուլիսի 28֊ ին՝ ժամը 12-ին, Իրավաբանների և հոգեբանների միջազգային ասոցիացիայի նախաձեռնությամբ գրականության և արվեստի թանգարանում տեղի կունենա հանդիպում բուլղարահայ հոգեբան Մոնիկա Բալայանի հետ։ ⚡️Սովորում ենք հայկական ավանդական պարեր «Կարին» ավանդական երգի-պարի խումբը և «Գաֆէսճեան» արվեստի կենտրոնը բոլոր ցանկացողներին հրավիրում են սովորելու հայկական ավանդական պարեր: Պարային հանդիպումը տեղի կունենա հուլիսի 28-ին՝ ժամը 19-ից մինչև ուշ երեկո «Գաֆէսճեան» քանդակների պարտեզում (Կասկադ): Մուտքն ազատ է բոլորի համար: ⚡️Ասք կապույտ երկնքի Հուլիսի 28-ին՝ ժամը 18–ին, Երևանի Կինոյի տանը տեղի կունենա լրագրող, փաստավավերագրող Վրույր Թադևոսյանի «Ասք կապույտ երկնքի» (The Tales of The Blue Sky) փաստագրական ֆիլմի պրեմիերան։ ⚡️Ալեքսանդրա Օհանյանի «Հոգուս հույզերը» մենահամերգը Հուլիսի 28-ին, ժամը 19–ին, «Նարեկացի» արվեստի միությունում տեղի կունենա Ալեքսանդրա Օհանյանի «Հոգուս հույզերը» խորագիրը կրող մենահամերգը: ⚡️Վարդան Պետրոսյանի նոր՝ «Օրորոցային պատվիրան» ներկայացումը Վարդան Պետրոսյանը և «Մշակութամետ» նախաձեռնությունը Սիսիանում են: Հուլիսի 28-ին կժամանենք Սիսիան, որտեղ մեր երկարամյա բարեկամ, սիրված դերասան Վարդան Պետրոսյանը՝ ժամը 14-16-ը կհանդիպի տեղի երիտասարդների հետ։ Ժամը 19-ին կներկայացնի իր նոր՝ «Օրորոցային պատվիրան» ներկայացումը։ ⚡️Այցելություն Խոսրովի արգելոց Հուլիսի 28-ին՝ ժամը 08։30-ին, Իսահակյան 18 հասցեից մեկնում ենք Վեդի: Այնտեղ այցելելու ենք Խոսրովի բնության թանգարան, մասնակցելու ենք տեղի կենսաբազմազանության մասին սեմինարի, որից հետո ուղևորվելու ենք Խոսրովի արգելոց և սկսենք քայլարշավ-թռչնադիտարկումը: Երևան վերադարձի մոտավոր ժամը՝ ժամը 19–ին։