Մոսկվայի բորսան ներկայացրել է Bloomberg տերմինալի անալոգը Մոսկվայի բորսան ներկայացրել է «Թրեյդ ռադարը»՝ Bloomberg տերմինալի անալոգը,- գրում է fintech.am-ը։ Տեղեկատվական ռեսուրսը կօգնի ներդրողներին ստանալ համապատասխան տվյալներ ֆոնդային շուկայի վիճակի վերաբերյալ, իրականացնել տեխնիկական վերլուծություն և դիտել գործարքների պատմությունը: «Այսօր ներկայացված տերմինալը մեծ ճանապարհի առաջին քայլն է: Մենք ցանկանում ենք զարգացնել այս ապրանքը շուկայի հետ և բաց ենք գործընկերության համար, որը կօգնի մեր պրոդուկտը հնարավորինս օգտակար դարձնել հաճախորդների համար»,-նշել է Մոսկվայի բորսայի վարչության նախագահ Յուրի Դենիսովը: Ռեսուրսի մասնակիցների ադմինիստրատորը և նույնացուցիչը Մոսկվայի բորսան է: Այն նաև ապահովում է օգտագործողի խոսակցության պրոտոկոլի պահեստավորում: