Բնակարանային գործարքների աշխուժությունը Հայաստանում․ մարզերի և Երևանի տվյալների համեմատություն ՀՀ վիճակագրական կոմիտեի տվյալների համաձայն, 2024թ.-ի հոկտեմբերին բազմաբնակարան շենքերի բնակարանների նկատմամբ իրականացված առուվաճառքների ընդհանուր թիվը կազմել է 1,518։ Առավել մեծ ծավալի գործարքներ գրանցվել են Երևանում՝ 1,137, որը կազմում է ընդհանուր առուվաճառքների 74․9%-ը։ Մայրաքաղաքից հետո ամենաբարձր ցուցանիշն արձանագրվել է Կոտայքում՝ 74 գործարք (4․9%) և Լոռիում՝ 73 գործարք (4․8%)։ Արմավիրում իրականացվել է 63 գործարք (4․2%), իսկ Շիրակում՝ 45 (3%)։ Սյունիքում գրանցվել է 40 գործարք (2․6%), Գեղարքունիքում՝ 28 (1․7%), և Արարատում՝ 25 (1․6%)։ Նվազագույն թվով գործարքներ են արձանագրվել Տավուշում՝ 16 (1․1%), Արագածոտնում՝ 10 (0․7%), և Վայոց Ձորում՝ 7 (0․5%)։ Այս տվյալները ցույց են տալիս, որ Երևանը շարունակում է պահպանել բնակարանային շուկայի կենտրոնական դերակատարումը, մինչդեռ մարզերում առուվաճառքների ակտիվությունը զգալիորեն զիջում է։