Լուրեր ներդրողների համար. Limitless Asset Management Sony-ն բարձրացրել է եկամուտների և շահույթի կանխատեսումները ամբողջ տարվա համար` պայմանավորված տոնական օրերին playStation5-ի աճող վաճառքով:

Ընկերության եկամուտը կազմել է 4,41 տրլն ճապոնական իեն (28,6 մլրդ դոլար), սպասվող 3,77 տրլն իենի դիմաց, նախորդ տարվա համեմատ աճել է 18%-ով և գերազանցել է վերլուծաբանների սպասումները, իսկ գործառնական եկամուտը կազմել է 469,3 մլրդ իեն՝ սպասվող 404,21 մլրդ իենի դիմաց. տարեկան կտրվածքով ավելացել է 1%-ով և նաև գերազանցել է վերլուծաբանների գնահատականները:

Ընկերությունն ակնկալում է, որ 2024 ֆինանսական տարվա համար վաճառքները կհասնեն 13,2 տրլն իենի՝ 4%-ով ավելի, քան նոյեմբերի կանխատեսումը: Ճապոնական տեխնոլոգիական հսկան նաև բարձրացրել է տարեկան գործառնական շահույթի իր կանխատեսումը 2%-ով՝ մինչև 1,34 տրլն իեն: Եվրոպայի խոշորագույն վարկատու HSBC-ն հայտնել է մինչև 2 մլրդ դոլար բաժնետոմսերի հետգնման մասին, քանի որ տարեկան շահույթը աճել է 6.5%-ով՝ պայմանավորված Կանադայում իր բանկային բիզնեսի զարգացման հետ:

Ամբողջ տարվա ընթացքում HSBC-ի եկամուտը կազմել է 65.85 միլիարդ դոլար՝ 2023 թվականի 66.1 միլիարդ դոլարի համեմատ: Թեև շահույթը վերլուծաբանների կանխատեսումերից ցածր է, այնուամենայնիվ գերազանցում է բանկի կողմից կազմված 31.67 միլիարդ դոլար գնահատականը:

HSBC-ն նախատեսում է ավարտել բաժնետոմսերի հետգնման գործընթացը մինչև 2025 թվականի առաջին եռամսյակի ավարտը: Ընկերության մեկ բաժնետոմսի արժեքը փետրվարի 18-ի դրությամբ կազմել է 57 ԱՄՆ դոլար: Mercedes-Benz-ը հայտարարել է ծախսերի հետագա կրճատման և ավելի շատ բենզինային և դիզելային, այլ ոչ թե էլեկտրական մեքենաների արտադրության մասին՝ փորձելով բարձրացնել եկամուտը:

Գերմանական լյուքս դասի ավտոարտադրողը մինչև 2027 թվականի վերջը կթողարկի 19 նոր այրման շարժիչով մոդելներ և մարտկոցներով 17 էլեկտրական մեքենա:

Նոր մոդելների մեծ մասը լինելու է իր ամենաբարձր գնային մակարդակում, ինչը ցույց է տալիս, որ ավտոարտադրողը դեռևս հավատարիմ է քիչ քանակով ավելի թանկ մեքենաների վաճառքի ռազմավարությանը: Ընկերության մեկ բաժնետոմսի արժեքը փետրվարի 20-ի դրությամբ կազմել է 58 եվրո:
ԴԻՄԵՔ ՄԵԶ՝ Limitlessam.com [email protected] +374 11 888 118 Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ: Կազմակերպությունը վերահսկվում է ՀՀ Կենտրոնական Բանկի կողմից   Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: