Սյունիքում ջերմատներ կկառուցվեն արցախցիների համար ՌեԱրմենիա համագործակցության հարթակում արցախցի ընտանիքների համար նախաձեռնված դրամահավաքի միջոցներով Սյունիքի մարզում ջերմատներ կկառուցվեն: Ծրագրին միացել են նաև IDBank ու Իդրամը: « Մի դրամի ուժը» նախաձեռնության նոյեմբեր ամսվա ամբողջ հասույթը՝ ավելի քան 3,5 մլն դրամ, արցախցիների աջակցությանն ուղղված այս ծրագրին է տրամադրվում։ Ծրագրի առաջին փուլով ջերմատներ կկառուցվեն Սյունիքի մարզում ապրող մոտ 50 արցախցի ընտանիքների համար։ 250 քառակուսի մետր տարածքի վրա հարմարեցված կաթիլային ոռոգմամբ, բոլոր տեխնոլգիաներով հագեցած տնամերձ ջերմատներ են լինելու։ Ի դեպ, 3 տարվա ընթացքում « Մի դրամի ուժը» նախաձեռնությամբ ամենատարբեր նախագծերին և հիմնադրամներին է փոխանցվել ավելի քան 150 մլն դրամ։   https://www.youtube.com/watch?v=PQV5rCvgTDo