2023 թվականի առաջին կիսամյակում Հայաստանն արտահանել է ավելի քան 13 հազար տոննա ալյումինե փայլաթիթեղ

2023 թվականի առաջին կիսամյակում Հայաստանն արտահանել է 13,1 հազար տոննա ալյումինե փայլաթիթեղ, ինչը 16,5% - ով պակաս է նախորդ տարվա ծավալից (2022 թվականի նույն ժամանակահատվածի 8,6% անկման դիմաց) ։ Արտահանված փայլաթիթեղի մաքսային արժեքը զգալիորեն նվազել է՝ 25,3% - ով, միչնեւ 49,3 մլն դոլար։ Ինչպես վկայում են ՀՀ մաքսային ծառայության տվյալները, արտահանման առյուծի բաժինը պատկանում է Գերմանիային (46,8%), որին հետեւում են Լեհաստանը (17,4%), Նիդերլանդները (11,2%), Իսպանիան (7,8%), Իտալիան (5%), Միացյալ Թագավորությունը (4,8%), Ֆրանսիան (3%), Հունաստանը (2%), Ռուսաստանը (1,1%): Բոլորովին փոքր մատակարարումներ են ուղարկվել Չեխիա (0,6%), Վրաստան (0,1%) և Ղազախստան (0,1%): Ներմուծվող փայլաթիթեղի ծավալը հաշվետու ժամանակահատվածում կրճատվել է 2%-ով (2022 թվականի 67,2% աճի դիմաց) ՝ կազմելով 948,2 տոննա՝ մաքսային արժեքի  11,9% աճի դեպքում՝ մինչև 5,3 մլն դոլար։ Փայլաթիթեղը ներկրվել է, հիմնականում, Հունաստանից (86,7%), մնացած ծավալները հայկական շուկա են առաքվել Չինաստանից (4%), ՌԴ-ից (3,9%), Գերմանիայից (0,9%), Իտալիայից (0,8%), Ուկրաինայից (0,6%), ԱՄՆ-ից (0,5%), Թաիլանդից (0,5%), ինչպես նաև Չեխիայից, Իսպանիայից, Իրանից, Լեհաստանից, Թուրքիայից, ԱՄԷ-ից, Ֆրանսիայից: 2023 թվականի առաջին կիսամյակում Հայաստանը կրճատել է նաև ալյումինե սալերի, շերտերի և ժապավենների արտահանումը՝ 25,1%-ով, մինչև 55,4 տոննա ՝ մաքսային արժեքի մի քանի անգամ նվազմամբ՝ մինչև 11,2 հազար դոլար։ Ընդ որում, ամբողջ ծավալը բաժին է ընկել ռուսական շուկային։ Ընդ որում, ալյումինե սալերի, շերտերի և ժապավենների ներմուծման ծավալները  53,1%-ով գերազանցել են մեկ տարվա վաղեմության ցուցանիշը՝ կազմելով 806,7 տոննա, մաքսային արժեքի 62% աճով՝ մինչեւ 3,4 մլն դոլար: Ալյումինե սալեր, շերտեր և ժապավեններ Հայաստան են ներմուծվել, հիմնականում, Չինաստանից (30,9%), ՌԴ-ից (24,8%), Թուրքիայից (20,6%), Լեհաստանից (10,9%), Իտալիայից (8,4%), ինչպես նաև Իրանից, Գերմանիայից, ԱՄԷ-ից: ՀՀ վիճակագրական կոմիտեի տվյալներով ՝ 2023 թվականի առաջին կիսամյակում Հայաստանում արտադրվել է 13,708 հազար տոննա ալյումինե փայլաթիթեղ՝ տարեկան 14,4% անկմամբ։ 2023 թվականի 8 ամիսների ընթացքում Հայաստանում ալյումինե փայլաթիթեղի թողարկման ծավալների տարեկան անկումն արագացել է 4,2%-ից մինչեւ 19,1%՝ կազմելով 17,501 հազար տոննա։ Այդ ընթացքում հանրապետությունում արտադրվել է նաև 900.9 տոննա ալյումինե սալեր, շերտեր և ժապավեններ, ինչը 7.6 անգամ գերազանցում է մեկ տարվա վաղեմության ծավալը: Նշենք, որ ալյումինե փայլաթիթեղի միակ արտահանողը Հայաստանում է հանդիսանում է "ԱՐՄԵՆԱԼ" գործարանը։ Աղբյուրը՝   finport.am