ԱՄՆ բանկերի արժեթղթերը նվազում են ԱՄՆ բանկերի բաժնետոմսերը Նյու Յորքի ֆոնդային բորսայում անկում են ապրում այն ​​բանից հետո, երբ Moody’s միջազգային վարկանիշային գործակալությունը նվազեցրեց 10 փոքր և միջին ֆինանսական հաստատությունների վարկանիշները և վերանայեց վեց խոշոր բանկերինը,- գրում  է b24.am-ը: Ինչպես հետևում է առևտրային հարթակի տվյալներից, Prosperity Bancshares-ի, Pinnacle Financial Partners-ի և Fulton Financial-ի բաժնետոմսերը, որոնց վարկանիշը իջեցվել էր, առևտրային նստաշրջանի ավարտին նվազել են ավելի քան 2%-ով։ M&T Bank-ի, BOK Financial and Commerce Bancshares-ի բաժնետոմսերը օրվա ընթացքում նվազել են 2%-ով և ավելի՝ միջինը մոտ 1.5%-ով մինչև առուվաճառքի ավարտը: Խոշոր ֆինանսական հաստատությունների բաժնետոմսերը, ինչպիսիք են Bank of New York Mellon-ը, State Street-ը, Northern Trust-ը, էժանացել են միջինը 1.5%-ով, Cullen/Frost Bankers-ը՝ ավելի քան 2.8%-ով։ Արդյունաբերական Dow Jones ինդեքսը առուվաճառքի ավարտին ընկել է 158,38 կետով (0.45%)՝ հասնելով 35314,75 կետի։ S&P 500 ինդեքսը կորցրել է 19,12 կետ (0.42%) և հաստատվել 4499,32 կետի վրա։ Nasdaq էլեկտրոնային բորսայի ինդեքսը նվազել է 110,08 կետով (0.79%)՝ հասնելով 13884,32 կետի: