ԵՄ-ն հավանության է արժանացրել կրիպտոբանկինգի մասին օրինագիծը

Եվրամիությունը քաղաքական համաձայնություն է ձեռք բերել բանկային կապիտալի նոր օրենսդրության շուրջ,- գրում է fintech.am-ը։ Նախկինում որոշ խորհրդարանականներ պահանջում էին, որ ավանդական հաստատություններին արգելվի օգտագործել անապահով կրիպտոարժույթներ: ECON-ը (Եվրախորհրդարանի տնտեսական և արժութային հարցերի կոմիտեն) թվիթերում հայտնել է, որ բանակցողները կոնսենսուսի են եկել, սակայն խոստանում են մանրամասները հրապարակել ավելի ուշ։ ECON կոմիտեն ներառում է Եվրոպական խորհրդարանի ներկայացուցիչներ, ազգային կառավարությունների պատվիրակներ և Եվրոպական հանձնաժողովի անդամներ: Նրանք առաջին անգամ առաջարկել են բանկային կապիտալի նոր կանոններ դեռևս 2021 թվականին: