Չինաստանը թվային յուանը կօգտագործի միջազգային վճարումներում Չինաստանն ընդլայնում է իր թվային արժույթի օգտագործումը «Մեկ գոտի մեկ ճանապարհ» նախաձեռնության մասնակիցների հետ գործարքների համար: Թվային յուանը կամ e-CNY-ը պետության կողմից վերահսկվող առաջին stablecoin-ներից մեկն է, որը հասանելի է օգտատերերի լայն շրջանակին,- գրում է fintech.am-ը։ Ըստ CoinTelegraph-ի, Սյուչժոու քաղաքը հրապարակել է չինական թվային արժույթի e-CNY միջսահմանային առևտրում խթանելու ծրագիր: Փաստաթղթի համաձայն՝ «Մեկ գոտի՝ մեկ ճանապարհ» նախաձեռնության մասնակից երկրների հետ հաշվարկների մի մասը կիրականացվի կենտրոնացված stablecoin-ների միջոցով։ Ծառայելով որպես Ասիայի և Եվրոպայի 21 երկրում 18 երկաթուղու մեկնարկային կետ՝ քաղաքը նախատեսում է ակտիվորեն կիրառել պետական ​​stablecoin-ը այլ տնտեսական գործընթացներում: Մասնավորապես, փորձի շրջանակներում վարչակազմը հարկերի և կոմունալ ծառայությունների վճարումը կփոխանցի e-CNY-ին։ Հոնկոնգի կառավարությունը նույնպես հետաքրքրված է թվային յուանի օգտագործմամբ: Ոչ վաղ անցյալում ՉԺՀ-ի հատուկ վարչական շրջանի իշխանությունները հայտարարել էին, որ Գուանդուն-Հոնկոնգ-Մակաո մեծ ծոցի շրջանը կդառնա e-CNY-ի օգտագործմամբ միջսահմանային վճարումների փորձարկման վայր: