Boeing-ը նախատեսում է կրճատել մոտ 2000 աշխատակցի

Boeing-ը նախատեսում է մինչև 2023 թվականը կրճատել իր աշխատուժը 2000-ով: Այս մասին հայտնում է The Seattle Times-ը ՝ վկայակոչելով ընկերության կապի ավագ տնօրեն Մայք Ֆրիդմանին։ Նրա խոսքով, կրճատման տակ են ընկնելու ֆինանսական և կադրերի բաժնի աշխատակիցները։ Boeing-ը պլանավորում է կրճատված աշխատողների գործառույթների մի մասը փոխանցել հնդկական Tata Consulting Services ընկերությանը։ Մայք Ֆրիդմանը կրճատումները վերագրել է «ընկերության ներսում աշխատանքային գործընթացների օպտիմալացմանը»: Նա նշել է, որ Boeing-ի այս ստորաբաժանումները ժամանակի ընթացքում «բավականին մեծացել» են, ինչի պատճառով «այդ կառույցների ներքին աշխատանքը գերաճած է բյուրոկրատիայով և դարձել անարդյունավետ»։